Britney Spears dhe e ëma e saj, Lynne Spears, kanë bërë paqe dhe po rindërtojnë marrëdhënien e tyre. Përmes një postimi në Instagram, Britney rrëfeu se e ëma e kishte vizituar për herë të parë pas 3 viteve, për t’u pajtuar.
“Dje, pas 3 viteve, mamaja ime e ëmbël u shfaq në derën time…Ka qenë një kohë shumë e gjatë…Me familjen gjithnjë ka gjëra që duhet të funksionojnë…por koha shëron plagë”, shkroi ajo.
Më pas vijoi: “Pasi komunikova atë që e kisha mbajtur brenda për një kohë jashtëzakonisht të gjatë, ndihem kaq e bekuar që mundëm të rregullonim gjërat. Të dua shumë”. P.S.: Jam shumë e bekuar që pimë kafe bashkë pas 14 viteve!”, u shpreh këngëtarja e “Toxic” dhe sugjeroi që hapi tjetër të ishte shopping me të ëmën.
View this post on Instagram
Brit dhe Lynne kanë pasur një marrëdhënie të ndërlikuar. Më parë, këngëtarja është shprehur se e ëma i kishte dhënë idenë babait të saj që të kontrollonte financat dhe jetën e Britney. “Ajo më shkatërroi jetën”, shkroi Britney asokohe në Instagram, në një postim që tashmë është fshirë. Por, mesa duket, gjithçka është hedhur pas nga të dyja palët.
Artikuj të sugjeruar:
