Plastika e ricikluar mund të jetë më toksike dhe nuk është zgjidhje për ndotjen, paralajmëron Greenpeace

Riciklimi i plastikës mund ta bëjë atë edhe më toksike dhe nuk duhet të konsiderohet si një zgjidhje për krizën e ndotjes globale, ka paralajmëruar Greenpeace (rrjet global për mejdisin) përpara raundit të fundit të negociatave për një traktat ndërkombëtar të plastikës.

Raporti, i cili përkon me fillimin e bisedimeve të reja për një traktat të mundshëm global të plastikës, vjen pasi një studim i veçantë ka zbuluar se shpërbërja e plastikës për riciklim shpërndan ndotjen mikroplastike në mjedis.

Përfaqësuesit nga 173 vende vitin e kaluar ranë dakord të zhvillojnë një traktat ligjërisht të detyrueshëm që mbulon "ciklin e plotë të jetës" të plastikës nga prodhimi deri në asgjësimin, që do të negociohet gjatë dy viteve të ardhshme.

Malajzia konfiskon orët Swatch me ngjyrat e LGBT

Prodhuesi zviceran i orave Swatch ka thënë se autoritetet malajziane sekuestruan 164 orë me ngjyrë ylberi me vlerë gjithsej 14,000 dollarë amerikanë nga koleksioni Pride. Personat LGBT diskriminohen në Malajzi, ku homoseksualiteti është i ndaluar dhe sodomia (marrëdhëniet anale ose orale) mund të dënohet me burgim dhe ndëshkim trupor, megjithëse ndodh rrallë.

Një grua ndërron jetë pasi u godit nga motori i policisë që po shoqëronte Dukeshën e Edinburgut

Një grua ka vdekur pasi u godit nga një motoçikletë që ishte pjesë e një grupi policësh që po shoqëronin Sophie, Dukeshën e Edinburgut. Helen Holland, 81 vjeç, u godit pasditen e 10 majit.

Djali i saj Martin tha se ajo vdiq pasi pësoi "kocka të shumta të thyera dhe lëndime masive të brendshme". Ai tha se ajo ishte duke ecur në "rrugën e sigurt të kalimit të këmbësorëve" kur u godit nga motoçikleta.

Punëtorët belgë protestojnë kundër kushteve të këqija të punës dhe të drejtës së tyre për grevë

Punëtorët belgë dolën në rrugët e Brukselit teksa protestuan kundër "sulmeve ndaj të drejtës për grevë". Rreth 20,000 njerëz morën pjesë në grevën e përgjithshme që u organizua nga sindikatat pasi qeveria njoftoi për një ligj të ri që ndalon rebelët të marrin pjesë në protesta. 

Italia miraton paketën e ndihmës prej 2 miliardë eurosh për të prekurit nga përmbytjet vdekjeprurëse

Emilia Romagna është një nga rajonet më të pasura të Italisë dhe ndikimi i përmbytjeve ka ngritur pikëpyetje se pse nuk janë përdorur fondet për të parandaluar përmbytjet. Qeveria e kryeministres italiane Giorgia Meloni miratoi një paketë ndihme prej 2 miliardë eurosh të martën për të ndihmuar bizneset dhe familjet e prekura nga kjo ngjarje e fundit ekstreme e motit.

Sektori i bujqësisë është goditur më rëndë. Rreth 10 milionë bimë në të ashtuquajturën "lugina e frutave" në Itali janë dëmtuar.