Binjakët janë të zgjuar, super socialë dhe nuk ndalojnë kurrë së foluri! Duke marrë parasysh që çdo shenjë horoskopi ka të mirat dhe të këqijat e veta, edhe Binjakët s’kanë si të shpëtojnë, ndaj është momenti që të bëhemi më specifikë dhe të të tregojmë si është realisht një person i shenjës së Binjakëve.
Binjakët në zyrë
Nëse ke një koleg/e të shenjës së Binjakëve, je me fat. Binjakët shquhen për ide kreative dhe për biseda të gjata, që s’dinë t’u japin fund. Por, Binjakët, siç kanë edhe simbolin e tyre, ndahen në dy pjesë:
Një “personalitet” mund të flasë, të punojë, të ketë sensin e estetikës, të bëjë prezantime naaam dhe tjetri mund të jetë më i qetë dhe më i përmbajtur. Gjithsesi, sërish mbeten ndër personat e preferuar në zyrë, pasi dinë t’i japin lezet çdo bisede.
E keqja e Binjakëve: Ndonjëherë nuk i marrin shumë seriozisht gjërat dhe ngatërrojnë marrëdhënien e punës me atë personale.
Binjakët në dashuri
Binjakët janë flirtues dhe shuuumë të dhënë pas partnerit/es, ndaj duhet që me patjetër t’i shpërblesh me gjeste të bukura dhe fjalë të ëmbla. Ndërkohë, Binjakët, janë të dyzuar mes tradicionales dhe modernes, ndaj edhe pse kanë dëshirë të provojnë gjëra të reja, sërish duan të kenë një marrëdhënie romantike si nëpër filma.
Nga ana tjetër, janë shumë kuriozë dhe duan të dinë gjithçka për njerëzit. Imagjinoje si një fëmijë të vogël që pyet për çdo gjë dhe dyshon në çdo përgjigje. Binjakët thjesht duan ta dinë se ç’po ndodh, si po ndodh, pse po ndodh, kush po e bën të ndodhë?! Pra, duam të themi se flet gjatë gjithë kohës, ama të lë edhe hapësirë që të tregosh gjërat e tua. Nëse do të fitosh zemrën e një personi që është shenja e Binjakëve, mbaje gjallë bisedën!
Një anë e keqe e Binjakëve në lidhje? Shumë xhelozë dhe duan gjiiithë kohës vëmendje.
Binjakët me miqtë
Binjakët udhëhiqen nga Mërkuri, planeti i komunikimit dhe kjo do të thotë se Binjakët janë qendra e vëmendjes në çdo grup shoqëror. Binjakët janë flutura sociale dhe duan gjithë kohës të njohin njerëz, por edhe të informohen përmes librave dhe internetit. Ata përshtaten shpejt dhe janë fiks si për një mbrëmje në shtëpi, edhe për një natë të çmendur në club.
Por, kanë edhe një anë të errët: Anulojnë planet në sekondën e fundit!
Binjakët kur janë vetëm
Binjakët duan të marrin njohuri nga të gjiiiiithaa burimet. Kur janë vetë, mbledhin informacion, rrinë në rrjetet sociale, u shkruajnë miqve, dërgojnë meme, lexojnë artikuj ose libra. Binjakët e duan artin dhe duan të ndërmarrin aventura të reja, zakonisht afatshkurtra.
Binjakët nuk kanë aspak frikë nga ndryshimi, përkundrazi, e duan atë, ndaj në shumë raste zgjedhin ta ndryshojnë arredimin e shtëpisë dhe ta përshtasin sipas humorit dhe stinëve.
