Dje, Luana Vjollca ndezi zërat se mund të jetë në një pritje të ëmbël, pasi postoi disa foto dhe video nga Australia. Ajo shkroi në një postim në Instagram Story se “kishte diçka për të njoftuar” dhe më pas, publikoi një video në TikTok, ku tregonte barkun paksa të rrumbullakosur.
Epo, pas gjithë pretendimeve se është shtatzënë, Luana e fiku zjarrin e kuriozitetit tonë, duke thënë se jo, s’është aspak shtatzënë, thjesht ka ngrënë shumë.
“Dua t’ju njoftoj se trupi im s’është perfekt. Kur ha shumë, më ndodh përherë kjo fryrja që besoj i ndodh edhe shumë gocave të tjera dhe është kaq e bukur. Kështu që, për të gjitha vajzat me barkun e madh, jeni super të bukura dhe ju dua të gjithave”, shkroi në një postim në Instagram Story.
Pra, me pak fjalë, vajza, edhe Luana kur ha shumë, ka ndjesinë e fryrjes. Në rast se po ndiheshit të veçanta…
