Në një postim të gjatë në Instagram, aktorja Olta Gixhari iu rikthye edhe një herë rrugëtimit të saj në “Big Brother VIP” për t’u ndalur të komentet e publikut, loja dhe Luizi.

“Ja dhe ‘Big Brother’ zyrtarisht mbaroi! Faleminderit me zemër publik i dashur për mbështetjen, komentet, sugjerimet, përqafimet dhe vëmendjen që më keni kushtuar! Faleminderit dhe ju që me stoicizëm më urryet deri ditën e fundit. Faleminderit që u përfshitë kaq shumë.” – tha ajo fillimisht.

“Do ta ruaj gjatë në mendjen time si një eksperiencë të çmuar, ku përjetova emocione të mëdha, lot, zhgënjim, gëzim, të papritura e surpriza. Ju kërkoj ndjesë për çdo herë që e kam kaluar masën,” shtoi ajo.

Në vijim, Olta u ndal te protagonisti i sezonit të dytë të “Big Brother VIP”, Luiz Ejlli.

“Ky ishte ‘Big Brother’ që theu çdo rekord shikueshmërie. Disa do ta mbajnë mend si Bigu i Luizit dhe Oltës, disa si i Luizit dhe Kiarës e disa si Bigu i Luizit! Dhe po tani që çdo gjë mori fund, dua të them një të vërtetë të madhe. [Ai] më ka përmendur çdo ditë në shtëpi pasi unë ika. Sot, dua unë të të them dy fjalë. Aventura ime pa ty Luiz nuk do të ishte e njëjtë. Ti ma ke vështirësuar dhe ma ke zbukuruar rrugëtimin tim! Ishte kënaqësi të ‘luftoja’ kundër teje.”

“Ju dua shumë! Shihemi në projekte të tjera, jashtë kuadrit të lojës që tani e tutje,” përfundoi Olta.