Luizi, në një intervistë në “Shqipëria Live” ka folur hapur për marrëdhënien e tij me miqtë e vërtetë dhe njerëzit që kanë përfituar nga ai, duke zbuluar disa gjëra mjaft interesante.
“Unë kam parë tani që kam dalë jashtë se jam njeriu me më shumë shokë në Republikën e Shqipërisë. Unë nuk jap emra, s’e kam ndër mend, por ata e dinë shumë mirë se kush janë dhe se çfarë kanë bërë”, tha Luizi.
Referuar Meridianit, ish-banor i “BBVA”, i cili shpeshherë e ka mbështetur Luizin, ky u fundit u shpreh:
“Ai më ka mbështetur, a ka bërë mirë apo ka bërë keq, është dëshira e tij, por unë e njoh sa të njoh ty (drejtuar moderatorit Arjon Muça) dhe ti mund të dalësh nesër dhe të thuash që “Luizin e kam mik”, unë e respektoj, e vlerësoj, nuk e mohoj, por ama të dalin (njerëz), Meridiani konkretisht dhe të thotë se është menaxheri, është e tepruar”.
Ai saktësoi edhe se kush është realisht miku i tij i ngushtë:
“Unë kam shumë shokë që kanë bërë vërtet shumë dhe s’kanë pasur nevojë të lyejnë flokët, të dalin në media, por kanë shkuar, kanë marrë nënë time dhe e kanë sjellë në Tiranë, më kanë pritur jashtë dhe kanë thënë që të mos i përmend publikisht”, tha Luizi, referuar një mikut të tij që rri larg rrjeteve sociale dhe theksoi se ai s’ka tentuar kurrë ta shfrytëzojë.
Luizi sqaroi edhe raportin me Marion dhe me Jonin, të cilët e vizituan brenda “BBVA”, duke thënë:
“Unë me Marion dhe me Jonin kam ndenjur shumë. Dy vite para se të hyja në “BBVA”, nuk flisja me asnjërin prej tyre. Thjesht nuk flisnim, ishim shkëputur”, u shpreh Luizi, i cili pak më sipër, nuk e kurseu ndoshta një kunjë për pjesën e lyerjes së flokëve.
Pra, e morëm vesh sesi është raporti i Luizit me miqtë e tij dhe mësuam se miku i tij i ngushtë, e ka mbështetur në mënyrë private, me gjeste domethënëse, jo nëpër rrjetet sociale.
