Albina dhe familja Kelmendi u kualifikuan në finalen e Eurovision 2023.

Albina dhe familja e saj performuan të 14-ët në garën e gjysmëfinales. Albina ra në sy për vokalin e saj dhe në internet shumë njerëz e komplimentojnë për vokalin. Në të tjera komente, disa vlerësojnë faktin që kënga përmban motive ballkanase.

Albina u shpall fituese me këngën “Duje” në edicionin 61 të “Festivalit të Këngës” bazuar te votat e publikut. Ajo hyri në historinë e festivalit, pasi për herë të parë, konkurroi një familje e tërë (këndoi me prindërit, dy motrat dhe vëllain).

Për herë të parë, kënga që do të përfaqësonte Shqipërinë në Eurovision 2023 u zgjodh vetëm me votat e publikut me anë të SMS-ve. Rezultoi që “Duje” ishte e preferuara e publikut.