Hulumtimi i diskutueshëm i procedurës së dhurimit mitokondrial ka rezultuar i suksesshëm në Mbretërinë e Bashkuar, duke parandaluar që një fëmijë i porsalindur të trashëgojë gjenet me defekt.
Përmes in vitro, ka lindur një foshnjë e krijuar nga ADN-ja e tre njerëzve të veçantë. Një procedurë e tillë ndodhi për herë të parë në vitin 2016 në Meksikë dhe nisur nga suksesi edhe në Mbretërinë e Bashkuar, janë rritur shpresat që shkencëtarët do të mund të trajtojnë kalimin e gjeneve të dëmtuara të bartura në mitokondritë e nënës.
Foshnja lindi nga një baba gjenetik dhe dy nëna gjenetike. Studiuesve në Qendrën e Fertilitetit në Newcastle iu dha leja për të provuar procedurën e diskutueshme në vitin 2017.
Si funksionon trajtimi i dhurimit mitokondrial? ADN-ja mitokondriale transmetohet nga nëna dhe përbën 0.1% të gjenetikës së trashëguar të një fëmije. Nëse mjekët zbulojnë anomali në mitokondritë biologjike të nënës, MDT është një zgjidhje e mundshme.
MDT merr ADN-në nga embrioni i prindërve (kështu që gjenet thelbësore si ngjyra e flokëve dhe syve do të përputhen me prindërit) dhe e fut në vezën e fekonduar të dhuruesit me mitokondri të shëndetshme.
Foshnja ka shumicën dërrmuese të ADN-së nga nëna dhe babai, rreth 99.8%. Por ka edhe një sasi të vogël të materialit gjenetik nga dhuruesi - që vlerësohet të jetë rreth 37 gjene gjithsej.
Në një embrion të shëndetshëm, roli kryesor i mitokondrisë është të sigurojë energji për qelizat që të formojnë organet. Pra, nëse mitokondritë janë të dëmtuara ose kanë mutacione, truri, zemra, mëlçia dhe organet e tjera vitale mund të kenë probleme ndërkohë që fëmija rritet.
Sëmundjet mitokondriale prekin një në 4,300 lindje në mbarë botën.
- Prek 1 në 10 gra: Bebe Rexha rrëfen se ka sindromën PCOS
- Ky burrë është babai biologjik i 550+ fëmijëve: Skandali trondit Holandën
- OBSH: 17.5% e njerëzve do të përjetojnë infertilitet! Faktorët e rrezikut për burrat dhe gratë
- Shumë gra në Europë po i drejtohen spermës daneze për të mbetur shtatzënë. Ja pse
