Ron Nessman, i pastrehë prej shumë vitesh, po jepte një intervistë pune në një restorant në Kaliforni kur pa një karrocë me një foshnjë që po shkonte me shpejtësi drejt makinave në rrugë. Menjëherë, karroca tërhoqi vëmendjen e tij.

Nessman doli me vrap në rrugë, ndaloi karrocën, e shpëtoi fëmijën nga një aksident i mundshëm, që mund të rezultonte fatal. “Nuk pata as kohë të mendoja. Në këto momente, ti thjesht reagon,” tha ai për një televizion lokal.

Në video shfaqet momenti kur karroca shkëputet dhe shkon drejt makinave. Gruaja përpiqet ta kapë, por rrëzohet dhe e ka të pamundur të ngrihet sërish.

Për shkak të gjestit dhe faktit që historia u bë shumë virale, restoranti zgjodhi ta punësojë Ron-in. Ai gjithashtu ka marrë oferta të tjera pune.