Në ditët kur drejtori ekzekutiv i TikTok dëshmoi para Kongresit amerikan në lidhje me përdorimin e të dhënave të njerëzve që përdorin TikTok-un, për herë të parë u përfol një platformë alternative, Lemon8.

Krijues të shumtë e përshkruan aplikacionin si "nëse Pinterest dhe Instagram do të kishin një fëmijë, me algoritmin e TikTok". Disa e krahasuan atë me TikTok rreth vitit 2020 dhe shumë blogerë u bënë thirrje ndjekësve të tyre që të hapin një llogari në Lemon8.

Siç rezultoi më vonë, aplikacioni nuk ishte thjesht një atlernativë rastësore ndaj TikTok. Lemon8 është një platformë që është themeluar po nga kompania mëmë e TikTok, ByteDance. Pra, me gjatë, Lemon8 është një alternativë për çdo shtet që ndalon përdorimin e TikTok.

Lemon8 ngjason me Instagramin dhe Pinterestin dhe është pëlqyer nga njerezit që nuk e përkrahën politikën e Instagram-it për t’i dhënë përparësi videove si mënyrë për të konkurruar TikTok-un.

Përdorusit e Lemon8 mund të ngarkojnë foto që kanë në fokus stilin e jetesës, modën, shtëpitë, udhëtimet etj., por nuk mund të dërgojnë mesazhe ose të etiketojnë përdoruesit e tjerë nëpër postime.

Për momentin, është i aksesueshëm vetëm në disa shtete, si SHBA dhe Mbretëri e Bashkuar. Më vonë, nëse korr sukses, nuk përjashtohet mundësia që të përhapet në gjithë botën.