Ky edicion i “BBVA” ka kaq shumë drama, sa s’dimë ç’t’ju tregojmë më parë. E fundit: E ftuar në “Më lër të flas”, Tea Trifoni tha se familjarët e Kiarës e kanë kërcënuar.  

“Mua më kanë kërcënuar. I gjithë produksioni i “BBVA” është në dijeni për këtë. Ndërkohë që po dilja nga “BBVA”, pasi mbaroi spektakli, nja 2 javë më parë, ndërkohë që po dilja, po më prisnin te dera Kiara bashkë me familjarin e saj dhe më kërcënuan “do të të vras”. Ndodhi para dy javësh”, tha Tea, duke shtuar se i kishin thënë se familjari në fjalë ishte burri i tezes së Kiarës dhe theksoi se ndodhi te dera e “BBVA” dhe se kishte edhe dëshmitarë prezentë, madje edhe Ronaldo, i cili i kishte kërkuar që të mos fliste për këtë tematikë.

Tea shtoi se foli me produksionin dhe i thanë se familjari i Kiarës nuk do të hyjë më në ambientet e Top Channel dhe se Kiara nuk është ftuar një mbrëmje në spektakël. Gjithashtu, tha edhe se të tjerë personazhe janë kërcënuar, gjithashtu edhe Zhaklin Lekatari.
 
Kiara, nga ana tjetër, e mohoi pretendimin e Teas dhe u shpreh:

“Jo, s’është e vërtetë. Prodhohen shumë lajme, ka edhe shumë personazhe të cilët thonë gjëra, ndoshta për vëmendje, nuk e di për çfarë e bëjnë, por nuk ka kërcënuar kurrë (burri i tezes) askënd. Është shumë e shëmtuar”.

Dje, sigurisht, lajmi bëri bujë dhe në një llogari në Twitter, Zhaklin Lekatari (sipas një screenshot të dërguar në redaksinë e Anabel), konfirmoi lajmin, duke shkruar me shkronja kapitale “E vërtetë” dhe duke aprovuar se ajo dhe Tea Trifoni janë kërcënuar nga bashkëshorti i tezes së Kiarës.

 
Në këto momente, llogaria në Twitter dhe Instagram nuk ekziston dhe nuk ka reagime të mëtejshme.

Megjithatë, njerëzit si përherë, janë ndarë në dy grupe:
 
Besojnë Tean dhe Zhaklinën, pasi nëse Tea do të gënjente, nuk do të përmendte produksionin dhe as Ronaldon.

Nuk e besojnë Tean për shkak të gënjeshtrës së saj për historinë e pretenduar të dashurisë me Andin në “PërPuthen”, ndërkohë që jashtë kamerave, kishte krijuar një lidhje me Beartin, një tjetër konkurrent i programit.

Shënim: Fotoja ka ardhur si screenshot në redaksinë e Anabel dhe është e paqartë nëse komenti është bërë nga llogaria e vërtetë e Zhaklinës. Ne e kontaktuam Zhaklinën dhe nuk morëm një përgjigje prej saj.