E keni gjetur ndonjëherë veten duke ngulur sytë në një mur në shtëpinë tuaj dhe thjesht keni kuptuar se duket shumë bosh? Një hapësirë boshe mund të jetë shumë e vështirë për t'u mbushur, veçanërisht nëse boshllëku nuk mbaron kurrë dhe jeni të shqetësuar se mos nuk e zbukuroni siç duhet. Ja disa këshilla.
Kurora me lule letre
Ky është momenti ku fëmijëria takon maturinë. Personalizojini ngjyrat e luleve që të përputhen me dhomën tuaj dhe do të jetë shtesa perfekte për atë murin e mërzitshëm që keni pasur gjithmonë frikë ta shihnit.
Varëse rrethore
Nëse dini të thurni, mund t'i realizoni vetë; në të kundërt, blijini.
Varëse bohem
Kjo është diçka që do ta merrja në internet për shumë para, por ju mund ta bëni atë për shumë më pak lekë. Mjafton një dërrasë dhe disa fije të ngjitura. Miqtë tuaj do të habiten kur do të zbulojnë se ju e keni bërë këtë bukuri.
Mur me dërrasa druri
Shtojini pak dimension hapësirës me disa dërrasa druri. Do të sjellin atmosferë unike.
Muri i luleve
Sillni ngjyra në dhomën tuaj me lule, lehtësisht të personalizuara bazuar në paletën e ngjyrave të preferuara. Do të dukej shumë mirë menjëherë pas shtratit tuaj.
Edhe shkuma e rrojes kthehet në art!
E di që tingëllon çmenduri, por përgjigja për atë cepin që gjithmonë kërkon të gjallërosh është...shkumë rroje. Ju mund t'i bëni lehtësisht këto vepra arti me mermer, me pak krem rroje dhe pak bojë akrilike. Njerëzit do t'i shohin muret dhe do të pyesin "a është ky një Picasso?" Dhe përgjigja juaj do të jetë, "jo, është një Gillette".
Burimi: Cosmopolitan
