Nëse të ka marrë malli për ish-in dhe do t’i shkruash, të mirëkuptojmë, madje edhe të justifikojmë me prapavijën e Mërkurit. Ama, edhe të këshillojmë përmes këtyre rregullave:
Hidhu një sy dëshirave, nevojave dhe kërkesave të tua
Ja i shkrova, po tani? Ç’kërkon nga personi tjetër? Po nga vetja? Bëj një rezyme të të gjitha gjërave që ti do nga vetja dhe ai/ajo dhe kështu, do ta kesh më të qartë përgjigjen që do të pasojë.
Mëso nga gabimet
Pse u ndatë? Sa e fortë ishte arsyeja? Ç’mësove ti nga ndarja? Super! Këto leksione merr në konsideratë në vijim.
Ji sa më realist/e
Shiko, koha ka kaluar, ish-i edhe mund të ketë krijuar një lidhje të re, ndaj merr parasysh disa skenarë, që të mos jetë edhe aq i dhimbshëm lëndimi.
Lëri gjërat të rrjedhin (do të thoshte Kiara)
Në fakt, sa më natyrshëm të ndodhë biseda apo edhe takimi, aq më mirë është për të dy ju. Mos sforco dhe as mos u impono. ?
Mos e merr si sfidë
Lëre paksa mënjanë egon dhe mendo se e gjitha kjo nuk është një sfidë. Thjesht po i dërgon një mesazh, nuk u bë nami.
Shmang grindjen
Nëse ke vendosur t’i shkruash, lëri kunjat dhe fjalët fyese. Hidhe pas të shkuarën dhe ji personi i pjekur në këtë bisedë.
Mos mendo shumë për mënyrën se si do t’i shkruash
Përkundrazi, sa më thjesht, aq më mirë.
Propozoji të takoheni te vendi i zakonshëm
Kështu, personi tjetër do të ndihet i vlerësuar që ti ende e mban mend vendtakimin tuaj.
Nëse ka nevojë për të kërkuar falje, kërkoje
Shumë lidhje mbarojnë pa thënë një “Më fal”. Nëse e jotja përfundoi në këtë mënyrë, thuaje të shkretën. Asnjëherë s’të bën dëm.
Përfundoje bisedën me kujtime të bukura
Kështu, do të lësh një shije shumë të mirë tek ish-i dhe ndoshta, shumë shpejt, do të marrësh një mesazh që e ke pritur. Nostalgjia vërtet i ndryshon njerëzit.
Artikuj të sugjeruar:
