Deri më tani, saga “Harry Potter” ka libra, filma dhe një lojë. Ç’i mungon? Një serial dhe shumë shpejt do ta ketë edhe atë.
Ky plan ka qenë prezent që prej janarit të vitit 2021, por duket se 2 vite më vonë gjen realizim dhe se i gjithë seriali do të bazohet shumë te librat e autorëve kontraverse, J. K. Rowling dhe vetë ajo do të bashkëpunojë për të arritur rezultatet më të mira.
Sa i përket aktorëve, sipas “Variety”, seriali do të ketë një kast totalisht të ri dhe me thënë të drejtën, nuk mund ta mendojmë dot pa Daniel Radcliffe, Rupert Grint, Emma Watson si Harry, Ron dhe Hermione, por ç’të bëjmë. Mëgjithatë, qarkullon një thashethem se Tom Felton (i cili ka pasur rolin e Draco Malfoy) do të rikthehet në serial për të luajtur rolin e babait të Draco-s, Lucius Malfoy.
Data e publikimit mund të jetë paksa larg, në vitin 2025 ose 2026, sipas “Deadline”.
Gjithsesi, jemi shumë të lumtur dhe shpresëplotë që do ta rishohim “Harry Potter”, këtë herë si serial.
Artikuj të sugjeruar:
