Dje interneti u shokua kur pa videon në të cilën Dalai Lama puthte një djalë të vogël 12-vjeçar dhe i kërkonte atij “t’i thithte gjuhën”. Menjëherë rrjeti reagoi dhe zyra e udhëheqësit shpirtëror kërkoi ndjesë për veprimin, por njerëzit rikujtuan disa nga ngjarjet më kontraverse të Dalai Lama-s, të cilat i gjeni më poshtë:
Në vitin 2015, ai u shpreh se një Dalai Lama grua, nuk do të ishte e dobishme.
Më pas, 4 vite më vonë, në një intervistë me BBC, udhëheqësi shpirtëror tha se çdo grua që do ta pasojë atë, duhet të jetë më tërheqëse. Ai nënvizoi se nëse gruaja rimishërohet (apo vjen një version tjetër i tij grua), duhet të jetë “më tërheqëse”.
“Nëse Dalai Lama grua vjen, atëherë duhet të jetë më tërheqëse. Ndryshe, njerëzit mund të mos e shohin atë në fytyrë”, tha ai.
Dalai Lama ka ndezur debat edhe për një thënie për ish-presidentin Donald Trump në të cilën është shprehur se Trump “ka mungesë të parimit moral”.
Dalai vijoi, duke thënë se emocionet e Donald Trump ishin paksa të ndërlikuara dhe qortoi sloganin e partisë së tij “America First” (“Amerika e para”. Slogani më vonë u keqkuptua dhe u transfromua si “America Alone”, duke nënkuptuar se shteti ishte i vetmuar). Dalai tha se slogani ishte i gabuar dhe se Amerika duhet të marrë përgjegjësi globale.
Një çështje tjetër që ka ndezur debat është ajo e emigracionit. Dalai ka komentuar emigracionin në Europë dhe ka sugjeruar që kontinenti europian duhet të edukojë dhe trajnojë emigrantët, me synimin e vetëm që ata të kthehen në shtëpitë e tyre.
83-vjeçari u shpreh: “Vendet europiane duhet t’i marrin këta refugjatë dhe t’u japin atyre arsim dhe trajnim. Qëllimi i kësaj është që të rikthehen në tokën e tyre, me disa aftësi të caktuara”.
Dalai u shpreh edhe se Europa u takon europianëve dhe menjëherë, u ndez debati. Zyra, sigurisht, reagoi duke thënë se deklaratat e tij mund të jenë keqinterpretuar.
Në shtator të vitit 2018, rreth çështjes së refugjatëve, Dalai Lama u shpreh se vendet europiane u kanë dhënë ndihmë refugjatëve, megjithatë ai mendonte se shumica e refugjatëve mendonin për tokat e tyre, por duke marrë parasysh numrin e lartë të vrasjeve apo edhe vuajtjeve, ata u arratisën.
“Pra, në një afat të shkurtër kohor, vendet europiane duhet t’u ofrojnë atyre strehim dhe veçanërisht fëmijëve, t’u mundësojnë lehtësira për edukim dhe trajnim”, tha Dalai, duke theksuar se e gjitha kjo duhet të ndodhë përkohësisht.
Dje, rasti i fundit që skandalizoi njerëzit ishte një video, e xhiruar në muajin shkurt, gjatë një eventi në Indi, në qytetin Dharamshala, por është bërë virale dje. Shumë njerëz në rrjetet sociale kanë reaguar për veprimin e çuditshëm.
Zyra e Dalai Lama-s, në një deklaratë, tha: “Dalai Lama do t’i kërkojë falje familjes së djalit, si dhe miqve të tij në mbarë botën për lëndimin që fjalët e tij mund të kenë shkaktuar”.
Gjithashtu, shtuan se 87-vjeçari është penduar për veprimet e tij, duke u shprehur se “ai i ngacmon njerëzit që takon në një mënyrë të pafajshme dhe lozonjare, edhe në publik dhe para kamerave”.
Në fillim të videos, shihet një djalë i vogël rreth 10-11 vjeç, i cili drejtohet për te fituesi i çmimit Nobel. Vogëlushi e pyet nëse mund ta përqafojë dhe Dalai e fton në skenë, duke drejtuar gishtin te faqja e vet dhe duke i thënë djalit që ta puthë në faqe.
Më pas, ai drejton gishtin për te buza dhe i thotë djalit që ta puthë edhe në buzë. Më vonë, e tërheq djalin dhe e puth. Pas puthjes, Lama nxjerr gjuhën dhe i thotë djaloshit që "t’i thithë gjuhën". Identiteti i vogëlushit mbetet anonim.
Njerëzit në Twitter e kanë quajtur veprimin të neveritshëm dhe dikush e cilësoi Dalai Lama-n si “pedofil”.
