Olta Gixhari ishte e ftuar në emisionin “Më lër të flas” dhe iu përgjigj pyetjeve të binjakëve Veshaj dhe siç pritej, foli për largimin e saj të papritur nga “BBVA”, banorët e shtëpisë, si dhe sqaroi disa teori konspirative që pushtuan internetin.
Olta tregoi se si ndihet tani pas daljes së “BBVA” dhe tregoi se fillimisht, e kishte ca problem të mësohej me oraret dhe rutinën e re, jashtë shtëpisë, por që tani, e ka shpenzuar të gjithë këtë periudhë me djalin dhe qëndron gjithë kohës me të.
“Dua ta them, sepse është me shumë rëndësi: Natën e prime-t që unë dola, djali ishte pak i ftohtë, unë qava dhe thashë mbase më ka harruar, dua të them që pikërisht atë natë që shkova në shtëpi, ai hidhej sipër krevatit, ka fjetur në orën 6:30 të mëngjesit dhe thoshte: ‘Mami, mami, të dua shumë!”, saktësoi Olta, duke shtuar se rikuperimi ishte më i shpejtë nga sa ajo e mendonte dhe se për këtë, ishte shumë e lumtur. Ajo foli edhe për bashkëshortin dhe tha se e kishte marrë malli shumë.
Aktorja theksoi se nuk ishte penduar asnjëherë që kishte dalë dhe se 10-ditëshi i fundit brenda shtëpisë u kthye në një vuajtje për të.
“Vendimin e mendova disa ditë. Të them të drejtën, 10-ditëshi i fundit u kthye në një vuajtje për mua. Më mori malli kaq shumë për djalin dhe familjen time, por sidomos për Amarin, sa e kisha të papërballueshme. Sikur të më thonin: ‘E ke të fituar, qëndro’, nuk do të qëndroja. Edhe sikur të më thonin: ‘Ok, do ta shkurtojmë 6 majin (finalen e “BBVA”), do ta bëjmë edhe dy javë’, prapë nuk do të qëndroja. E kisha të panegociueshme”. Olta shtoi se ishte mbushur kupa dhe ishte arritur limiti i qëndrimit të saj.
Ajo foli edhe për thashethemin më të çmendur dhe të çuditshëm që dëgjoi kur doli dhe ai që e kishte suprizuar më shumë Oltën ishte ky: Që bashkëshorti i Oltës e kishte blerë çmimin e madh dhe se “Top Media” e kishte ndarë mendjen që fitorja ishte e saj.
“Kjo ishte teoria konspirative më e çmendur që kam dëgjuar dhe pashë që publiku ishte shumë i irrituar për këtë. Unë e kam me të dëgjuar, paskërka pasur një periudhë kur mua më kanë urryer shumë?”, tha ajo me shaka. “E bukura është se më paskërkishin urryer për këtë pjesë, se unë, paskërkisha blerë çmimin e madh dhe për këtë arsye, shikuesit kanë qenë shumë të irrituar, shumë të inatosur me mua.”.
Ajo sqaroi edhe një ‘teori konspirative’, që lidhet me një bisedë të sajën në dhomën e rrëfimit, në të cilën Olta, me mikrofon ndezur, thoshte se deri në atë moment ishte e kënaqur, por pas 2 javëve shihej rezultati.
“Unë jam e bindur që vajzat dhe gratë që po shohin këtë emision e kanë kuptuar për çfarë po flas. Unë thjesht bëra një botoks në ballë dhe ajo më thotë: ‘Afrohu të të shoh ballin’ dhe unë afrohem dhe i them: ‘Pas dy javësh do i shoh efektin’. E bëra botoksin pak në mënyrë të fshehur le të themi, sepse më ishte tekur që në atë program u plaka shumë dhe m’u bë psikozë”. Për ta faktuar, ajo lëvizi ballin dhe siç e ka botoksi, pjesa ishte e ngrirë dhe nuk shihej asnjë lëvizje.
Ish-banorja foli edhe një video tjetër, që sërish ndezi shumë spekulime në rrjet. Në video, Olta i thoshte Deamishelit që kishte folur me Dorin dhe nëse dilte, të shkonte ai ta merrte. Ajo saktësoi se kishte folur me Dorin, por përmes kamerës.
“Kam dalë (para) kamerës kur kam qenë në nominim me Kiarën dhe unë e kisha një dyshim që mund të dilja (nga shtëpia). Dilja para kamerës dhe i thoja: ‘Dori, zemra ime, këtë të shtunë ka shumë mundësi që unë të dal nga shtëpia. Të lutem, kudo qofsh, dua të jesh në studio, sepse dua të jesh personi i parë që takoj, nëse eliminohem’ dhe këtë gjë e kam bërë disa herë në kamera. Në një moment i them Deas: ‘Nëse dal, unë fola me Dorin dhe i thashë që të më marrë ai”, duke shtuar edhe se tanimë që ka dalë, nuk ka asnjë arsye pse të gënjejë.
Edhe njëherë, Olta bëri me dije që brenda shtëpisë, rregullat ndiqen me përpikmëri dhe nuk ka rrjedhje informacioni dhe lajmi, pasi në të kundërt, nuk do të kishte marrë vendimin që mori dhe se do të vijonte rehat deri në ditën e fundit.
Patjetër, foli edhe për Luizin dhe me shaka (ose ironi) tha se tani që doli dhe i mori vesh të gjitha, çuditet pse s’i kanë ngritur Luizit një lapidar. “Ore, ngrijini Luizit një lapidar. Unë mendoj se duhet të bëni një lapidar për Luizin në çdo lagje”.
Ajo ceku edhe momentin kur tha se “Luizin e mbajnë brenda” dhe sqaroi se në atë çast, mendoi se meqë Luizi dhe Eduart Grishaj janë të dy shkodranë, ai e mbronte Luizin. Ajo tha se brenda, Olta mendonte se Luizi kishte në krah produksionin, ndërsa njerëzit jashtë mendonin se Olta kishte në krah produksionin.
Por, aktorja, foli edhe për Zhaklinën dhe u shpreh: “Aman se ajo Zhaku gjysmë feministe. Po si s’më tha një fjalë të mirë në ato 3 muaj”, tha ajo me shaka (ose jo. Si Gaforre që është, kush e di). Gjithashtu, e rikujtoi edhe për voice-n e famshëm që qarkulloi, në të cilën Zhaklina pretendonte se bashkëshorti i Oltës donte ta “blinte”. Olta theksoi se bashkëshorti i saj s’ka kontaktuar asnjëherë me opinionisten.
“Për voice-n, ku di unë. Edhe unë mund të them tani Romeo më kërcënoi. Mund të çmendem dhe…”, tha ajo.
Sigurisht, dha edhe mendimet e saj për konkurrentët brenda shtëpisë.
Për Deamishel tha se është një vajzë shumë inteligjente dhe ftohtësia që ka është një armë shumë e fortë brenda shtëpisë. Ajo shtoi se bën tifo për Deamishelin dhe do të donte shumë që ta fitonte ajo, pasi e meriton.
Për Bledin tha se nuk e njeh mirë dhe e argumentoi ikjen e tij kështu: “Tani që dola jashtë dhe pashë gjithë këtë dashuri të madhe që kanë për Luizin, e kuptova pse Bledi ka dalë nga shtëpia”. Olta shtroi edhe një pyetje, referuar deklaratës së Bledit se la shtëpinë pasi nuk donte t’i rikthehej vesi i alkoolit. “Tani që u rikthye prapë në shtëpi, a nuk do t’i rikthehen prapë këto veset?”.
Për Kristin, tha: “Kristi kohët e fundit, është bërë kështu. Kapet ku të kapet. Shtyn sa të shtyjë” dhe u shpreh se nuk gëzon të njëjtin respekt si më parë.
Për Qetsorin: “E dua shumë në finale dhe uroj shumë të shkojë në finale. Është super lojtar, ka një humor të jashtëzakonshëm, është i përmbajtur, një baba i shkëlqyer. Kam shumë respekt për Qetsorin”.
Për Ronaldon u shpreh që do të donte të zgjaste më shumë brenda “BBVA”, megjithëse tha se katërshja që u rikthye ka bërë një gabim të madh që rihynë, për 2 arsye:
Nuk janë lojtarë aq të mençuar, pasi si fillim nuk do të ishin eliminuar
Po bëjnë shumë më keq se sa bënë herën e parë kur ishin të brishtë
Për Luizin tha: “Luizi është super lojtar dhe për mua është një mashtrues profesionist. E kam thënë brenda shtëpisë dhe jashtë, më është përforcuar kjo ide”.
Artikuj të sugjeruar:
