Në një botë kur takimet e para nuk shkojnë në një fazë tjetër, ne duam që ti të kesh edhe takim të dytë, të tretë e me radhë. Për të të ndihmuar sadopak, të sjellim 4 gabimet që ndodhin rëndom në takimet e para dhe që ti duhet t’i shmangësh patjetër:
Nuk je i/e qartë në qëllimet e takimit
Do ta njohësh më shumë? Ke mendjen për një one night stand? Kërkon një lidhje serioze? Thjesht të intrigon dhe kaq? Ji sa më i/e qartë me arsyen pse po del me personin tjetër, në mënyrë që të mos ndodhin keqkuptime më vonë, si dhe për ta ditur nëse jeni të dy në të njëjtin ritëm.
Takimi me dikë që të bën të mos jesh rehat
Nëse personi tjetër të sikletos qoftë me mesazhe, me shaka pa kripë, apo më gjeste të ndryshme, ndoshta është më mirë të mos ia japësh mundësinë që të dalësh në një date. Takimet e para janë emocionuese, por besoji instinktit tënd.
Paragjykimi dhe kërkimi i aspektet negative te personi tjetër
Kur themi “aspekte negative”, nuk i referohemi flamujve të kuq që mund të ketë një person, përkundrazi, e kemi fjalën për fiksimet e vogla, që lidhen me gjërat që mund të ndryshohen lehtësisht. Mos e shih me gjykim personin tjetër dhe sa më mendjehapur për ta njohur më mirë, domosdo, nëse është mjaftueshëm interesant/e.
Shkëputja e menjëhershme e kontakteve
Kjo është një pikë që të gjithë duhet të punojmë paksa. Zakonisht, takimet e para janë pak të sikletshme, ndaj për të dhënë një përgjigje përfundimtare, duhet një takim i dytë (nëse ai/ajo nuk të vë në siklet, apo nuk ka sjellje të patolerueshme). Mos i bëj block direkt personit në fjalë dhe nëse thjesht nuk të intereson, tregohu i/e qartë dhe thuaja hapur.
Artikuj të sugjeruar:
