Në axhendën tuaj, jo vetëm gjatë këtij muaji, por edhe në vijim, udhëtimet do të jenë shumë prezente. Hëna e plotë më 5 prill do të ndriçojë shtëpinë e udhëtimeve dhe ky rrugëtim do të jetë special, pasi mund të shkoni dhe të vizitoni familjarët ose njerëz të dashur për ju.
 
Gjatë kësaj periudhe do të keni takime produktive, do të punoni për një marrëveshje të re, si dhe do të qartësoni disa tematika që ndoshta ju kanë shqetësuar. Gjithçka do të shkojë shumë mirë! Me shumë mundësi, do të kombinoni kënaqësinë me punën, për të kryer një udhëtim që lidhet me karrierën, por ku nuk mungon as argëtimi.
 
Do të punoni më një projekt të madh që mund të lidhet me të gjitha llojet e komunikimit, duke filluar që nga realizimi i një podkasti, marketing, shkrimi i një libri, apo një dokumentar. Kjo, sepse planetet inkurajojnë aftësitë tuaja të të shkruarit, folurit, marrëdhëniet me publikun, fushën e marketingut, apo edhe të shitjeve. Shumë shpejt, do të keni mundësi t’i tregoni botës sa të talentuar jeni!
 
Nëse ditëlindja juaj qëllon më 5 shkurt, minus, plus 5 ditë, do ta ndieni shumë fuqinë e Hënës së plotë. Sigurohuni që të përfitoni shumë nga datat 11-12 prill dhe të bëni më të mirën tuaj, sidomos në fushën e karrierës.
 
Marrëdhënia me një partner biznesi, apo me një person me profil të lartë do t’ju shërbejë shumë dhe do të kthehet në fryte të rëndësishme.
 
Gjithsesi, intuita juaj do t’ju tregojë se diçka nuk po shkon siç duhet, por nuk do të arrini ta shprehni si duhet këtë. Edhe pse do të ishte shumë më e thjeshtë që të mbyllnit sytë ndaj kësaj situate, është shumë herë më mirë të mos e injoroni, por të përpiqeni ta zgjidhni, si të mundni.
 
Plutoni do t’ju ndihmojë që të njiheni me talentet tuaja më fitimprurëse dhe t’i vendosni në funksion ato. Nëse ditëlindja juaj qëllon në datat 20-24 janar, do të vini re menjëherë një ndikim të fuqishëm nga ky planet. Plutoni, si planet i transformimeve, do të mundësojë një përparim më të shpejtë në karakter, duke ju ndihmuar që të bëheni versioni më i mirë i vetes.
 
Për Ujorët që kanë pasion ose profesione të lidhura me shkencën, epokën digjitale, matematikën, Plutoni do t’ju bëjë që t’i luani letrat siç duhet dhe të keni mjaftueshëm kohë për të bërë një projekt fenomenal.
 
Një ëndërr që prej kohësh e keni pasur në zemrën tuaj, mund të gjejë realizim. Plutoni do t’ju ndihmojë shumë që të lini pas mbetjet e së shkuarës dhe të dhuroni gjërat që nuk ju duhen më, jo vetëm për sendet dhe veshjet, por edhe të lini në të shkuarën njerëzit që ju rrethojnë.
 
Eklipsi i datës 19 do t’ju bëjë të ndiheni më të nxituar për të marrë një vendim, rreth një oferte që do t'ju paraqitet, gjithsesi, ju këshillojmë të merrni kohën dhe të mendoheni para se të bëni një zgjedhje, sepse, ashtu siç eklipset sjellin lajme të mira, sjellin edhe një atmosferë konfuze dhe kaotike. Gjithashtu, një tjetër arsye është edhe prapavija e Mërkurit.
 
Mërkuri shkon në prapavijë nga data 21 prill deri më 14 maj dhe kjo do të thotë: Frenoni projektet e reja. Mos nënshkruani kontrata dhe mos blini pajisje teknologjike, apo edhe një makinë të re!
 
Për sa i përket dashurisë, Afërdita ju ndihmon që të shijoni dashurinë dhe kohën me personin e zemrës! Përfitoni nga magjia e datës 29 prill, për të bërë një festë të bukur në shtëpinë tuaj, apo për të shkuar në një ambient ku keni dëshirë. Shumë kontakte dhe njohje të reja janë rezervuar për ju!

Thuhet se Peshqit s’e vrasin shumë mendjen për para, por e vërteta është se sigurisht që e vrasin! Të gjithë i duan lekët! Ndaj, dëshira juaj për të pasur sa më shumë fitime dhe para, do të realizohet gjatë këtij muaji.
 
Data e parë me fat për ju, është 5 prilli dhe Hëna e plotë në Peshore. Kjo hënë do të ndriçojë sektorin e parave dhe do të merrni një lajm të mirë që do ta mbushë kuletën tuaj. Gjatë këtij muaji, do të shlyeni të gjitha pagesat dhe do t’ju mbeten para, edhe për dëshirat tuaja. Në të njëjtën kohë, Afërdita dhe Neptuni do të bashkëpunojnë, për t’ju sjellë projekte të reja krijuese.
 
Një tjetër ditë me fat do të jetë edhe 11 prilli dhe gjatë kësaj dite, do të mbillni një filiz, që në të ardhmen do të ketë shumë rezultate frytdhënëse. Nënshkruani një kontratë të re, takoni një klient, lidhuni me njerëz që kanë ide biznesi dhe krijoni kontakte të reja, të cilat mund të jenë shumë të rëndësishme për të ardhmen.
 
Eklipsi i 19 prillit do të hapë për ju shtigje të re dhe mundësi të arta. Hëna e re bashkohet me Jupiterin dhe Diellin, për të sjellë fat të mirë në një detyrë të re pune. Projekte dhe shumë të ardhura ju presin. Projektet kreative, gjatë këtij muaji do të gëlojnë dhe ju do të keni sukses tek të gjitha, dalë Marsit që do të bëjë një punë fantastike me motivimin e këtoj sektori, duke u kujdesur që të keni edhe një komunikim të përsosur me njerëzit që ju rrethojnë.
 
I vetmi problem do të jetë Plutoni, i cili mund t’ju sjellë ca pengesa. Një person i cili ka një rol të rëndësishëm në kompaninë tuaj, nuk do të jetë shumë i bindur për aftësitë tuaja. Detyra juaj do të përkojë pikërisht me faktin se duhet t’i mbushni mendjen këtij personi se sa të aftë jeni.
 
Jeta juaj private do të përqendrohet shumë tek anëtarët e familjes dhe te shtëpia juaj, ku dhe do të shpenzoni shumë para. Këtë muaj, Afërdita do të jetë në këtë sektor dhe do të shijoni shumë kohën me të afërmit tuaj.
 
Nga ana tjetër, Marsi në Gaforre do të pozicionohet në sektoret e argëtimit, dashurisë, pushimeve, romancës dhe fëmijëve. Gjatë kësaj periudhe do të keni shumë më pak stress dhe do të jeni entuziastë për gjërat e reja që ju presin. Një fundjavë magjepsëse ju pret nga 8-9 prilli, ndaj shfrytëzojeni maksimalisht.
 
Më 29 prill do të merrni një e-mail, mesazh, apo telefonatë surprizë dhe kjo do t’ju bëjë mjaft të lumtur. Kjo ditë do të jetë e mbushur me spontanitet dhe surpriza të këndshme.
 
Më pas, prapavija e Mërkurit, që fillon më 21 prill do të ngadalësojë pak ritmin tuaj. Mos nënshkruani kontrata dhe mos nisni projekte të reja, pa mbaruar kjo periudhë.
 

Copyright Anabel.al / Ndalohet ribotimi pa lejen e redaksisë.