Yjet e Hollywood, Jennifer Lopez dhe Ben Affleck u njohën gjatë xhirimeve të filmit “Gigli” në vitin 2003 dhe një vit më vonë, pasi u bënë çift, ndanë ekranin në filmin komedi-dramë, “Jersey Girl”.
Më pas çifti u nda për t’u ribashkuar dhe martuar vite më vonë dhe tani, mesa duket ata po përgatiten për të punuar sërish bashkë.
Affleck ka disa çmime Oscar si regjisor dhe skenarist, ndërsa filmat e J. Lo me siguri i keni parë të gjithë!
Kompania e prodhimit të filmit Artists Equity, e cila është në pronësi të Affleck dhe mikut të tij prej kohësh, Matt Damon, do të publikojë një film të ri me Jennifer Lopez.
Titulli i filmit është “Unstoppable” dhe do të shënojë rikthimin e një bashkëpunimi të J-Lo dhe Affleck.
Këtë herë, megjithatë, Affleck do të jetë prapa kamerave, pasi ai do të jetë producenti.
Filmi është frymëzuar nga historia e vërtetë e Anthony Robles, një atlet me një këmbë që fitoi një kampionat kombëtar me Universitetin e Arizonës.
Filmi do të ketë si regjisor, një tjetër bashkëpunëtor të Affleck dhe Damon, William Goldenberg. Ai ka punuar më parë me Affleck në filma si “Argo”, fitues i Oscar për filmin më të mirë!
Dhe pse do ishte shumë më interesante ta shihnim dyshen të aktronin bashkë, edhe kështu është e sigurt se filmin s’do ta humbasim!
Burimi: Marca
