Menutë me bazë bimore ulin ndjeshëm sasinë e konsumit të mishit, sipas një studimi të ri
Eksperimentet në kafeteritë e punës dhe universiteteve treguan se lehtësimi i zgjedhjes së ushqimit pa mish mund të jetë efektiv dhe mund të jetë një qasje më e pranueshme se propozimet e tjera, të tilla si taksimi i mishit ose ndalimi i tij në ditë të caktuara.
Hulumtimi i ri, i botuar në Revistën Ndërkombëtare të të Ushqyerit dhe Aktivitetit Fizik. Studime të tjera kanë zbuluar se mesazhet e thjeshta mjedisore në menu mund të dyfishojnë zgjedhjet me bazë bimore. Efekt pozitiv ka edhe vendososja e këtyre produkteve në fillim të menusë përfshirë edhe mënyra të tjera që nxjerrin në pah shijen dhe përfitimet e tyre.
Shkolla në Queensland kërkon që familjet të denoncojnë homoseksualitetin gjatë regjistrimit
Një nga shkollat më të mëdha të pavarura të Queensland-it, Australi, u ka dërguar familjeve kontrata regjistrimi ku ndër të tjera u kërkohet të nënshkruajnë një deklaratë që thotë se "aktet homoseksuale" janë imorale, duke i renditur ato së bashku me inçestin dhe pedofilinë si "fyese për Zotin".
"Deklarata e besimit" e kërkuar për t'u regjistruar në Kolegjin e krishterë Citipointe përfshin gjithashtu deklarata që nënkuptojnë se studentët transgjinorë do të njihen vetëm nga "gjinia e tyre biologjike" në shkollë - pra studentët duhet të identifikohen "me gjininë që Zoti ka dhuruar".
Prindërit dhe nxënësit kanë nisur një peticion për të hequr “deklaratën e besimit”.
Omicron: Çfarë dimë për llojin 'stealth' BA.2?
Varianti shumë i transmetueshëm Omicron i virusit Sars-CoV-2 – forma më e zakonshme e të cilit njihet si BA.1 – tani përbën pothuajse të gjitha infeksionet e koronavirusit globalisht. Megjithëse rastet e Covid kanë arritur kulmin në disa vende, shkencëtarët po shohin një rritje të rasteve të shkaktuara nga lloj i Omicron i njohur si BA.2, i cili ka filluar të përhapet më shpejt se BA.1 në pjesë të Europës dhe Azisë.
“Deri më tani, provat nga kolegët tanë në Danimarkë tregojnë se megjithëse mund të përhapet më shpejt, nuk ka dëshmi të rritjes së ashpërsisë,” tha Prof. Seshadri Vasan, një studiues i vaksinës së Covid-19. “Prandaj është e rëndësishme të ruajmë qetësinë dhe të vazhdojmë masat ekzistuese, të tilla si vaksinimi, përfshirë dozën përforcuese, distanca sociale, maskat dhe udhëzimet lokale.”
Lexo më shumë: A është shqetësues nënvarianti BA.2 i Omicron?
Kriza në Ukrainë: NATO dëshiron të 'tërheqë' Ukrainën në aleancë, pohon ministri i Jashtëm i Rusisë, Lavrov
Presidenti i SHBA-së Joe Biden njoftoi se trupat amerikane "do të zhvendosen" në vendet e NATO-s të Europës Lindore "në një afat të afërt" pasi zyrtarët rusë deklaruan vazhdimisht se nuk do të fillonte një luftë në Ukrainë.
Megjithatë, Moska paralajmëroi se SHBA dhe NATO kanë injoruar kërkesat e saj dhe kanë lënë pak hapësirë për kompromis në krizë, ndërsa minisri i Jashtëm Sergey Lavrov akuzon aleancën ushtarake të Atlantikut të Veriut se po vepron në një mënyrë fyese.
Përpjekjet urgjente ndërkombëtare vijnë pasi 100,000 trupa ruse janë grumbulluar pranë kufirit të Ukrainës dhe administrata e Biden shqetësohet se Kremlini do të kryejë një lloj pushtimi brenda javësh.
Mbi 100 ish-forca dhe zyrtarë afganë janë vrarë që nga gushti, thotë OKB
Sipas Kombeve të Bashkuara, më shumë se 100 ish-anëtarë të qeverisë afgane, forcat e saj të sigurisë dhe ata që kanë punuar me trupat ndërkombëtare janë vrarë që kur talebanët morën pushtetin në mes të gushtit, tha Sekretari i Përgjithshëm Antonio Guterres.
Në një raport të marrë nga Associated Press, Guterres tha se "më shumë se dy të tretat" e viktimave dyshohet se janë vrarë nga talebanët ose bashkëpunëtorët e tyre, pavarësisht se ata shpallën "amnisti të përgjithshme" për ata që punuan në ish-qeverinë dhe forcat e koalicionit të udhëhequr nga SHBA.
Guterres tha se mbrojtësit e të drejtave të njeriut dhe punonjësit e medias gjithashtu vazhdojnë “të jenë nën sulm, frikësim, ngacmim, arrestim, keqtrajtim dhe vrasje”.
Burimet: Guardian, Euronews
