Kjo është një prej pyetjeve më të zakonshme që mund t’i keni bërë vetes: A ka lloje të ndryshme vaginash?
Së pari le të sqarojmë se kur themi vaginë, nuk e kemi fjalën për vulvën. Vulva është termi i saktë për të gjitha organet gjenitale të jashtme, përfshirë labian, klitorin, hapjen vaginale dhe hapjen e uretrës. Ju me siguri po pyesnit pikërisht për formën e saj.
Vulvat vijnë në të gjitha format dhe madhësitë dhe shumëllojshmëria është normale.
Megjithatë, nuk mund të themi se ka lloje “normale” apo “anormale” kur i referohemi pamjes së organeve gjenitale të jashtme.
Mënyra më e mirë për të menduar për vulvat është që secila mund të jetë po aq unike sa fytyrat tona: Të gjitha kanë të njëjtat pjesë, por përsëri mund të duken pak më ndryshme.
Nuk ka dy fytyra të njëjta dhe asnjë vulvë nuk është e njëjtë.
Nëse jeni të shqetësuar për diçka rreth vulvës/vaginës suaj, duhet t’i telefononi menjëherë mjekut gjinekolog dhe të caktoni një takim.
A ndryshojnë ngjyrat e vulvës?
Po! Vulvat variojnë në ngjyra nga rozë në nuancat më të errëta të kafesë. Ato mund të jenë në ngjyrë rozë ose të kuqërremtë ose mund të jenë më të errëta, pothuajse kafe në ngjyrë të zezë.
Nëse keni ndonjë shqetësim për një njollë zbardhjeje ose nishan të mundshëm, përsëri, duhet të caktoni një takim me gjinekologun.
Burimi: Seventeen
