Të gjithëve na ka ndodhur të bëjmë dush natën vonë dhe të shkojmë në shtrat me flokë të lagur. Fatkeqësisht, kjo mund të shkaktojë disa efekte të pakëndshme për skalpin, fytyrën dhe pjesë të tjera të trupit.
Marilisa Sears, drejtoreshë artistike për flokët e Marc Anthony, thotë:
"Unë nuk e këshilloj kurrë të shkuarit në shtrat me flokë të lagur, sepse mund të çojë në infeksione kërpudhore dhe bakteriale, që sjellin më pas kruajtje të kokës dhe zbokth."
Flokët janë më të brishtë kur janë të lagur, kështu që nëse shkoni ashtu në shtrat, ka më shumë gjasa që ato të këputen.
Nëse flini me flokë të lagur, skalpi mund të bëhet më i ndjeshëm dhe lëkura aty të acarohet.
Nga ana tjetër, po të njëjtat efekte negative vlejnë dhe për lëkurën. Nëse së fundmi keni shkuar shpesh me flokë të lagur në shtrat, nuk do surprizoheshim nëse do na thonit se keni vënë re një acarim të lëkurës me gunga dhe akne.
Ne (nisur nga ç'thonë dermatologët), ju këshillojmë të ndërroni këllëfët e jastëkëve të paktën një herë në javë dhe të mos shkoni në shtrat me flokët e lagur.
Jastëkët prej mëndafshi dhe sateni janë më të mirë për të krijuar më pak fërkime dhe për këtë arsye më pak dëmtim të flokëve sesa këllëfët e jastëkëve prej pambuku, por nuk kanë domosdoshmërisht ndikim në sasinë e baktereve që mund të formohen.
Burimi: Glamour
