Yjet në Oscars 2023 dhe në Vanity Fair After Party, bënë ndër të tjera, një paradë fantastike veshjesh. Ciara mbërriti në festë me një fustan të “zhveshur” dhe seksi, që ekspozonte të pasmet dhe tangat e zeza.
E stiluar nga Rob Zangardi, look-u u plotësua më tej me vathët Cartier me diamant dhe taka Santoni me rrip të zi.
Në çdo event të këtij lloji, ka gjithnjë edhe veshje të tilla “të guximshme”. Madje, kësaj here Ciara nuk ishte e vetmja “më pak e veshur”.
Ashtu si Ciara, në ceremoninë e 95-të të çmimeve të Oscar-it të këtij viti, Lady Gaga, Charlotte Lawrence, Hunter Schafer, Daisy Edgar-Jones, Hailee Steinfeld dhe Sabrina Carpenter të gjitha kishin veshur gjithashtu fustane që nuk i linin vend imagjinatës!
Pra, pse ishte Ciara e vetmja që u kritikua kaq shumë online?
Mediat e kanë cilësuar si një sulm ndaj një gruaje që është mama dhe ndaj një gruaje me ngjyrë.
Por, kush tha se mamatë s’mund të veshin çfarë të duan dhe pse duhet të ketë kritika vetëm për vajzat me ngjyrë?
“Zemërim selektiv”, e quajti gjithë situatën Ciara teksa “përshëndeti” kritikët me një video në TikTok.
“Kështu do vishem herën tjetër”, shkroi ajo dhe u shfaq e mbuluar me një çarçaf nga koka te këmbët.
Burimi: Pop Sugar
