Kjo javë rezervon shumë surpriza për ty! Gjej shenjën tënde dhe zbuloji!

Dashi

Kjo e hënë të bën të vendosësh ëndrrat e tua në krye të listës. Të martën, Plutoni hyn në zonën e miqësisë, ndaj mos u çudit nëse e gjen veten më social/e se kurrë, duke përjetuar shumë momente dhe krijuar shumë kujtime me miqtë e zemrës. Më pas, me ndihmën e Marsit, do të gjesh njerëzit dhe vendet që të përshtaten.
 
Demi

Këtë javë, pusho, reflekto dhe tërhiqu nëse është e nevojshme. E marta të sjell më shumë qëllime dhe ide të bukura, të cilat duhet t’i vendosësh në punë. Një konflikt i vogël do të lindë gjatë kësaj periudhe, por ti do ta menaxhosh si duhet.
 
Binjakët

Më shumë produktivitet dhe rilidhje me miqtë e tu. Mendime më të pjekura, të mençura dhe më të dobishme do të jenë prezentë në mendjen dhe jetën tënde, ndaj përfito nga ky çast që të ndërtosh vetëbesimin e duhur për të shkëlqyer.
 
Gaforrja

Gjatë kësaj periudhe, karriera jote po shkon në një rrugë fantastike dhe shumë shpejt, do të jesh një lider/e i/e përkryer. Falë Plutonit, do të krijosh një marrëdhënie të thellë me dikë të rëndësishëm, si dhe Marsi të dhuron më shumë energji, pasion, entuziazëm dhe guxim që të ndjekësh ëndrrat!
 
Luani

Horizonte të reja që lidhen me edukimin dhe udhëtimin do të mundësojnë shumë të papritura dhe avantazhe për ty. Romancë, transformime dhe disa ndryshime në vlerat dhe sjelljet e tua priten gjatë kësaj jave.
 
Virgjëresha

Është momenti që të tregosh të vërtetën Virgjëreshë! Kjo periudhë të ndihmon të kuptosh autenticitetin, dëshirat dhe intimitetin që ti dëshiron. Guxo të hapësh veten ndaj këtij shansi të ri!
 
Peshorja

Dashuria është në ajër, Peshore. Kjo javë të ndihmon të krijosh një vetëbesim më të lartë dhe t’i japësh rëndësi botës tënde të brendshme, duke injoruar paksa atë të jashtmen. Më shumë liri për veten, lidershipin dhe karrierën do të vijnë për ty.
 
Akrepi

Bëj një pauzë të vogël, Akrep! Nëse përqendrohesh kudo në të njëjtën kohë, ndoshta nuk do të japësh maksimumin atje ku duhet. Ide brilante do të të kalojnë në mendje, gjithçka duhet të bësh është të marrësh vendimin t’i vendosësh në jetë.
 
Shigjetari

Shprehe veten, Shigjetar! Pse po i lë pas dore ndjesitë dhe pse të mungon kurajoja për të folur hapur mbi gjëra që të shqetësojnë? Aftësitë e tua të komunikimit janë të përkryera, ndaj merre hapin, motivohu dhe tregoji gjërat që të shqetësojnë apo lëndojnë.
 
Bricjapi

Siguria financiare është ajo që të duhet për momentin dhe meqë është periudha e realizimit të dëshirave, siguri financiare do të marrësh! Marsi të ndihmon shumë në sektorin e romancës dhe bën që ti të lësh mbrapa konfliktet dhe barrat që të rëndojnë.
 
Ujori

Përdori fjalët, i dashur Ujor, por në mënyrë të drejtpërdrejtë dhe të qartë! Kjo javë, me lëvizjen e Plutonit bën të mundur që të pësosh një ndryshim radikal, 180 gradësh. Por, mos harro të mbrosh aspektin tënd emocional.
 
Peshqit

Përqendrohu dhe qëndro në të tashmen! Disa të vërteta do të shfaqen përpara teje. A je gati t’i vëresh dhe t’i mësosh? Nëse jo, ke mjaftueshëm kohë për ta përgatitur veten!