Me shumë albume dhe tekste kuptimplota, Eminem ka dhjetëra këngë që mund të ishin të preferuarat e tij. Por ajo që kryeson listën për të është në fakt një zgjedhje mjaft befasuese.
Reperi 50-vjeçar ka bërë muzikë prej vitesh që nga publikimi i albumit të tij të parë solo, “Infinite”, në vitin 1996.
Ai është një nga reperët më të suksesshëm me gati 100 këngë në Billboard Hot 100 gjatë viteve.
Disa këngë të njohura të Eminem përfshijnë “Lose Yourself”, “Not Afraid”, “Crack a Bottle”, “Mocking Bird”, “Killshot” etj.
Disave mund t'u pëlqejnë këto hite, të tjerëve këngë të albumeve më pak të njohura, dhe natyrisht, fansat kanë qenë kuriozë të dinin se cila nga këngët e tij i pëlqen më shumë vetë Eminem-it.
Një fans pati mundësinë t'ia drejtonte këtë pyetje reperit në vitin 2020, kur ai mori pjesë në një festë të organizuar nga Spotify për 20 vjetorin e The Marshall Mathers LP.
Njerëzit ishin në gjendje t'i bënin Eminem të gjitha llojet e pyetjeve, nga boksierët e tij të preferuar e deri te seriali që po shikonte në atë kohë, por shumë e përqendruan vëmendjen te muzika e tij.
I pyetur se cila ka qenë kënga e tij e preferuar, reperi nuk ka hezituar. Në vend të një prej prodhimeve që kanë kryesuar toplist-at, ai zgjodhi një këngë e cila u shfaq në albumin e tij të vitit 2005, “Curtain Call: The Hits”.
Albumi përfshin këngë si “Mockingbird” dhe “Stan”, por Eminem zgjodhi “FACK” si këngën e tij të preferuar.
FACK – është në thelb një këngë që flet për seksin, spermën, orgazmën dhe prezervativë që ‘rrëshkasin’.
Njerëzit thonë se janë “të lumtur që kjo këngë nuk ka një videoklip”, kështu që po e lëmë këtu këngën me tekstin, që ta gjykoni vetën zgjedhjen e Eminem:
