Keisi dhe Kristi vendosën që të mos e vazhdonin më tej raportin e tyre. Në një bisedë me njëri-tjetrin, ishte Keisi ajo që e hodhi e para këtë hap.
Sipas saj, nëse ata vërtet e kanë qejf njëri-tjetrin, do ta gjejnë rrugën kur të dalin jashtë. Teksa fliste me Kristin, Keisi përmendi si arsye kryesore faktin që “ka harruar veten” dhe misionin për të cilin ka hyrë në “Big Brother” për shkak të romancës me Kristin.
“E gjithë gjëja, njohja jonë nuk të duket e çuditshme? Dua ta di se çfarë ndjen ti,” e pyeti ajo. “Kemi kaluar shumë kohë mirë bashkë, kemi shumë komunikim të mirë. Besoj se e kemi shumë qejf njëri-tjetrin,” u përgjigj Kristi.
“Mendon se ka rëndësi vetëm pëlqimi? Duhet të ketë diçka më shumë, por unë nuk e shoh atë gjënë më shumë. Normalisht duhet edhe më shumë kohë për atë pëlqimin më të madh. Nëse të them unë se më mirë të vazhdojmë si miq e të vazhdojmë jashtë, si do e merrje, do mërziteshe?” shtoi më tej Keisi. Kristi tha “do mërzitesha normal, po ti duhet të mbrosh mbi të gjitha veten.”
Në vijim të bisedës, Keisi theksoi se pëlqimi i tyre nuk u zhvillua më tej. “Ai pëlqimi në fillim ishte shumë i bukur, por mbeti aty. Ditët në vazhdim, [ndikuan] njerëzit që e impononin, për një lidhje, ndërkohë që nuk kishte një lidhje. Pastaj erdhi dhe babi.”
“U bë e tepërt fakti që thonë se Keisi është vetëm për të gatuar. Unë këtu kam ardhur të tregoj se këndoj, kam harruar të këndoj. Unë bëra shumë për ty, erdha shumë pas teje. Ti deri-diku e ke krijuar lojën tënde dhe çdo gjë. Unë harrova veten time dhe lashë çdo gjë mënjanë,” tha ajo.
Kristi nga ana tjetër e respektoi dëshirën e saj.
