Nuk e dimë nëse është fuqia e videove virale të TikTok apo kënga "Tattoo" e Loreen është aq magjike sa mendojnë njerëzit. 

Këngëtarja 39-vjeçare përfaqëson për herë të dytë Suedinë në Eurovision dhe kënga është pa dyshim një nga ato që mund ta fitojë çmimin.

Loreen, emri i plotë i së cilës është Lorine Zineb Nora Talhaoui, ka fituar Eurovision-in e vitit 2012 me këngën "Euphoria", që kryesoi listat në shumë vende europiane.

Këngëtarja tani është rikthyer me "Tattoo" dhe duket se edhe kjo këngë është po aq e sukesshme nga e para. Me qindra-mijëra shikime dhe hashtagë në TikTok, njerëzit mendojnë se kënga ka potencial për të fituar.

"Një nga këngët më të bukura që është kënduar në Eurovision", shkruan dikush.

Një tjetër thotë:

"11 vite pas fitores, ajo ka shans të marrë një çmim tjetër."

Nëse s'e keni bërë ende, dëgjojeni këngën dhe na thoni mendimin tuaj.

Eurovision 2023 do të mbahet nga data 9 deri në 13 maj dhe përfaqësuesja për Shqipërinë është Albina Kelmendi dhe Familja me "Duje".