Law Roach, një prej stilistëve më të fashmëm, i cili është kujdesur për imazhin e Zendaya, Anya Taylor - Joy, Hunter Schafer, Addison Rae, Kehlani, Chance the Rapper, Megan Thee Stallion, Halsey, Tom Holland, Anne Hathaway, Halsey, Kerry Washington dhe Celine Dion, ka dhënë dorëheqjen nga industria, përmes një postimi në Instagram.
Dje, ai bëri një postim ku falenderoi të gjithë njerëzit që e kanë mbështetur në rrugëtimin e tij gjatë këtyre viteve, si dhe njerëzit që i besuan imazhin e tyre. “Nëse i gjithë ky biznes do të kishte lidhje vetëm me rrobat, do ta bëja për gjithë jetën time, por fatkeqësisht, nuk është kështu”, shkroi ai, duke fajësuar për këtë vendim politikat, gënjeshtrat dhe narrativat false. “Ju fitoni. Unë po heq dorë”, përfundoi ai. Njerëzit u shokuan dhe sigurisht, pati shumë mendime mbi vendimin e Law.
View this post on Instagram
Ndër të tjera, në rrjete sociale, qarkulluan disa video që tregonin se Law nuk kishte një vend pranë Zendaya-s në Javën e Modës në Paris, por ishte caktuar pas saj. Në video tregohet Law konfuz dhe Zendaya që i tregon vendin dhe Law që heziton të ulet pas saj. Sipas njerëzve, kjo është marrë si mungesë respekti dhe mund të jetë një prej arsyeve pse Law hoqi dorë.
44-vjeçari reagoi rreth këtij thashethemi, duke u shprehur: “Ju mendoni se po ndahem (artistikisht) nga Z…ne jemi bashkë përgjithmonë! Ajo është motra ime e vogël dhe është një dashuri e vërtetë, jo dashuri false e industrisë”, u shpreh ai.
Ikona e modës ende nuk ka dhënë një përgjigje më të qartë për vendimin e tij, ndërkohë kontributi i tij në modë është fantastik dhe ka bërë maksimumin për të prezantuar denjësisht njerëzit që i kanë besuar imazhin, veçanërisht, Zendaya-n.
Zendaya
View this post on Instagram
Anya Taylor-Joy
View this post on Instagram
Ariana Grande
Kerry Washington
Bebe Rexha
View this post on Instagram
Eve Jobs
View this post on Instagram
