Përmes një reagimi jo të drejtpërdrejtë në Instagram, Butrint Imeri hodhi poshtë pretendimet se ai i dërgoi një mesazh konkurrentes së “Big Brother VIP”, Jorit.

“Disa duan të hedhin baltë mbi emrin tim. Të tjerë duan të rënkojnë [teksa thonë emrin tim]. Kjo është jeta.” – shkroi ai.

Pas kësaj, këngëtari postoi një video të personazhit të njohur në rrjete sociale, Hasbulla Magomedov, duke qeshur.

Prej disa javësh, banorët e BBVA marrin mesazhe nga e gjithë bota, nga dashamirësit dhe ndonjëherë edhe nga të afërmit e tyre. Ditën e djeshme, një prej mesazheve ishte nga "B...Imeri" për Jorin. “Një bukuroshe si ti, welcome in Kosovë!”, shkruhej në ekran.

Vitin e kaluar, në një intervistë në "Procesi Sportiv", Jori zgjodhi pikërisht Butrintin si një banor që do donte ta kishte në shtëpinë e "Big Brother". Ajo tha se e kërkoi gjatë kohës kur Beniada nuk ia shqiptonte mirë emrin dhe i pëlqeu.

Megjithatë, brenda shtëpisë Jori ka thënë "S'e duam Butrintin, duam Don Xhonin" - meqë tashmë ajo është në dijeni të marrëdhënies së tij të shkuar me Kiarën.

Pra miq, mund të ketë qenë *me zërin e Beniadës* Betrin Imeri, Betrint Imeri, Betrunt Imeri...ose kushdo tjetër, por jo ky Butrint Imeri: