Pamje nga loja e ardhshme “Grand Theft Auto 6” i ka bërë njerëzit shumë entuziastë për rikthimin e video-lojës ikonike.

RockStar ka konfirmuar zyrtarisht lajmin muajin e kaluar, duke thënë se ka nisur puna aktive për serinë e re të Grand Theft Auto dhe loja është në zhvillim.

Kompania nuk ka zbuluar saktësisht se kur fansat do të mund ta shohin lojën e re, por për momentin kemi vetëm disa foto të shpërndara nga burime jozyrtare në Reddit.

Imazhet tregojnë një personazh femër, një zonë të rrethuar parkimi makinash në periferi të qytetit, ndërsa një grup njerëzisht qëndrojnë duke biseduar së bashku në të majtë.

Njerëzit kanë që tani disa komente:

“Kjo do jetë një lojë e çmendur, mezi po pres.”

Një tjetër shkroi:

“Dita që do publikohet traileri do jetë një ngjarje botërore, por dita që do publikohet loja do jetë në thelb një ‘mini-karantinë e njerëzimit’.”

Strauss Zelnick, CEO i kompanisë mëmë të Rockstar Take-Two Interactive, thotë se loja do të vendosë standarde të reja kreative në industri.