Dua Lipa përflitet se është në një lidhje të re me regjisorin 41-vjeçar, Romain Gravas.
Ata u panë së bashkë duke dalë të kapur prej dore nga një sfilatë në Paris.
Dua dhe Romain u panë gjithashtu muajin e kaluar në një festë pas ceremonisë së ndarjes së çmimeve BAFTA.
Romain ka realizuar videoklipe për Kanye West dhe M.I.A dhe ishte në një lidhje me Rita Orën, përpara se ajo të martohej me regjisorin Taika Waititi.
Një burim tha për The Sun: “Dua dhe Romain janë njohur për disa muaj. Ata e kanë shijuar kohën së bashku. Ata janë takuar me njerëzit e afërm të njëri-tjetrit gjatë periudhës festive dhe kanë shumë të përbashkëta.”
“Dua e di se sa e rëndësishme është të gjesh dikë që e kupton industrinë e saj,” shtoi burimi. “Ajo ndjen se Romain e kupton plotësisht. Ata të dy janë njerëz vërtet kreativë.”
Tani, presim nëse Dua dhe Romain do ta konfirmojnë lidhjen e përfolur.
