Sabian Meidini hyri dje në shtëpinë e “BBVA”, jo vetëm për të takuar të bijën, por edhe për të qëndruar, duke u bërë kështu banor i shtëpisë për të dytën herë, pasi ka qenë konkurrent edhe në edicionin e parë të spektaklit.
Kjo rihyrje solli shumë diskutime dhe reagime dhe ndër të tjera, ishte edhe ai i Einxhel Shkirës, e cila në rrjetet sociale u shpreh kështu:
“Përtej shakasë, kjo që ndodhi s’është aspak normale, jo për pjesën e spektaklit, sepse ishte gallatë, por është totalisht e pashëndetshme jo vetëm si marrëdhënie, por totalisht një dhunë psikologjike dhe kontroll i frikshëm i fëmijës, sidomos i vajzës. Ky është mesazhi dhe shembulli më i gabuar ndonjëherë!”.
Pertej shakas,kjo qe ndodhi sesht aspak normale jo per pjesen e spektaklit se was the funniest,por esht totalisht unhealthy jo vetem si mardhenie por totalisht nje dhune psikologjike dhe kontroll i frikshem i femijes,sidomos vajzes!Ky ishte mesazhi dhe shembulli me i gabuar ever!
— Einxhel Shkira (@EinxhelShkira) March 4, 2023
Sabiani hyri sërish si konkurrent, pasi e bija e tij, Keisi, u pa shumë e afërt me Kristi Aliajn, duke shkëmbyer edhe puthje.
Qysh prej fillimit, Sabiani ishte kundër kësaj lidhjeje dhe nuk hezitoi ta shprehte këtë përmes videove në TikTok, postimeve në Instagram, unfollow të vajzës dhe fshirjes (ose arkivimit) të fotove.
Mbrëmë, ai iu bashkua shtëpisë së famshme, duke i surprizuar të gjithë.
