Yjet tregojnë se tani në mars, shumë ngjarje në karrierën, shtëpinë dhe dashurinë tënde do të lulëzojnë. Do të gjesh mënyrën e duhur për të shprehur aftësitë e tua artistike dhe krijuese, si dhe do të bësh gjëra të reja, që i ke aq shumë qejf.
 
Jupiteri nuk kursehet fare me dhuratat që të ofron dhe ai do të tregohet mjaft bujar, sidomos në aspektin e dashurisë, romancës dhe fëmijëve. Nëse je single, një shkëndijë e bukur pasioni do të lindë dhe nëse je në një lidhje, pushime, liri, argëtim dhe ndoshta një shtatzëni të presin. Pra, shumë të reja në vetëm një muaj!
 
Kjo periudhë do të jetë e mbushur me imagjinatë, eksperimente dhe krijime të reja. Më 2 mars, Afërdita do të krijojë një aleancë me Jupiterin për të sjellë përfitime financiare. Më në fund, do të përmbyllësh një marrëveshje financiare.
 
Pas datës 7 mars, përgatitu për ndryshime të mëdha, të cilat prekin sektorin e punës dhe vlerësimeve. Do të kesh një arritje të madhe në punë dhe një surprizë pritet të mbërrijë deri në datën 12. Nëse je i vetëpunësuar, një klient i ri prestigjoz mund të dëshirojë të bashkëpunojë me ty, por bëj kujdes dhe shih kushtet e kontratës. Hëna e plotë do të rrisë profilin tënd si profesionist/e dhe të gjithë do ta vënë re talentin tënd.
 
Por, jo gjithçka është fushë me lule, pasi bashkëpunimi i gjatë me një partner – në dashuri, karrierë, biznes, apo projekt krijues, - do të sjellë disa mosmarrëveshje dhe lëndime. Mos i merr afër zemrës kritikat, sado të ashpra të jenë ato, përkundrazi, merri si këshilla për t’u përmirësuar.
 
Tani, eja flasim për dashurinë!

Hëna e re e 21 marsit do të mbështetet nga Plutoni, planeti i transformimeve dhe kjo do të thotë se nëse je single, do të njohësh dikë që do të kesh një kimi të paparë. Por, merri gjërat ngadalë dhe lëreni të rrjedhë (do të thoshte Kiara).

Bëj kujdes, mos krijo fantazi që nuk ekzistojnë dhe mos e romantizo më shumë se duhet personin në fjalë, pasi mund të zhgënjehesh. Të ecësh ngadalë, do të thotë të jesh ca më vigjilent për të parë marrëdhënien në çdo drejtim.
 
Por, sigurisht, disa hapa duhet t’i ndërmarrësh edhe vetë! Kërko takime, ktheju përgjigje njerëzve në DM, dil, bëj ndonjë mini-pushim dhe argëtohu. Nëse je në një marrëdhënie, me shumë gjasa e ke diskutuar të bësh një fëmijë me personin që ke në krahë. Marsi, si muaji i ripërtëritjes, është periudha perfekte. Nëse ke fëmijë, atëherë planifiko një udhëtim të bukur me familjen.
 
Ndërsa, nëse po has probleme në marrëdhënie, kjo periudhë do të të ndihmojë ta përcaktosh nëse do të luftosh për raportin, apo do t’i japësh fund përgjithmonë!
 
Në rast se po mendon të blesh një shtëpi të re, është momenti të kursesh, ose të investosh në një pronë të paluajtshme. Sa më shpejt ta ndërmarrësh hapin, aq më mirë do të bësh!

Këtë muaj, në qiellin tënd ka shumë trafik planetar dhe shumë ndryshime, të cilat do të jenë të mirëpritura nga ti. Marsi do të jetë një pikë kthese në jetën tënde, ku e shkuara do të shkrihet me të tashmen për të krijuar mundësi të reja dhe fitimprurëse.
 
Saturni sjell detyra të reja, të cilat lidhen me financat! Këtë muaj do të ndihesh më i mençur dhe praktik, duke mësuar se si të menaxhosh financat në mënyrë më efektive. Kështu, do të shkurtosh shpenzimesh, do ta përdorësh ca më pak kartën e kreditit, do të shlyesh borxhe ose kredi, si dhe do të arrish të negociosh pagën tënde. Pas 7 marsit, do të marrësh frymë lirisht për paratë, pasi është momenti të kërkosh rritje page. Mblidh statistika, shko me shifra të vërteta dhe përdor aftësitë e tua bindëse.
 
Këtë muaj do të mësosh rreth investimit dhe mundësive për të krijuar pasuri. Mund të kesh në dorë një trashëgimi, apo një ndihmë të madhe financiare, çka do të të ndihmojë shumë. Ide brilante do të vijnë në kokën tënde gjatë marsit.
 
Për sa i përket shëndetit, të kemi thënë disa herë që duhet të marrësh disa pushime të vockla dhe të shkëputesh nga puna dhe stresi. Na beso, do të të ndihmojë shumë. Gjithashtu, nëse e ke lënë pak pas dore ushqimin e shëndetshëm dhe dëshirën për t’u marrë me aktivitet fizik, je në kohën e duhur për t’u rikthyer.
 
Nëse merr edhe pushimet e vogla, do të kesh më shumë kohë të përkushtohesh te dashuria dhe marrëdhënia jote, duke e bërë atë më të qëndrueshme dhe solide, pasi le ta pranojmë, e ke lënë pak në harresë. Gjithsesi, pas 25 marsit, jeta jote do të përmirësohet ndjeshëm dhe një portal i ri energjie do të sjellë dashuri, si dhe mundësi të reja për të blerë shtëpinë e ëndërruar. Nëse ke në plan të arredosh shtëpinë, bëje, pasi në këtë periudhë do të kesh mundësi ekonomike dhe kohë.
 
Mundohu që të mbyllësh sa më shumë gjëra këtë muaj, pasi Mërkuri do të shkojë në prapavijë më 21 prill dhe ti e di si janë prapavijat: të ngadalta dhe çamarroke! Nëse ke kontrakta pezull, nënshkruaji dhe nëse ke mundësi për të dorëzuar projekte, dorëzoji!
 
Na lejo ta mbyllim me një lajm të mirë: Hëna e plotë do të hedhë dritë në shtëpinë e udhëtimeve dhe kjo do të thotë se një udhëtim spontan dhe i lezetshëm është në horizont. Mos e mendo dy herë, por paketohu dhe nisu!

Copyright Anabel.al / Ndalohet ribotimi pa lejen e redaksisë.