E dashur Peshore, ti e nis marsin me ëmbëlsi dhe pas datës 2 mars, një fllad i ngrohtë do të përshkojë jetën tënde. Kjo periudhë emocionuese vjen falë takimit të Jupiterit dhe Afërditës në Dash, duke ndikuar në marrëdhëniet e tua me njerëzit më të afërt.
Afërdita sjell mundësi të reja për dashuri, argëtim, para dhe sende luksoze që ti i do aq shumë. Jupiteri ka tendencën që ta shumëfishojë gjithçka që ti dëshiron, ndaj mos u çudit kur të shohësh vetëm begati gjatë marsit. Përdori datat 2, 3, 4 dhe 5 për të marrë diçka që ke kohë që e dëshiron, duke nisur që nga një intervistë pune, apo ftesa për takime.
Më 7 mars, Hëna e plotë mbërrin në Virgjëreshë, duke ndriçuar shtëpinë e 12-të të sekreteve, kështu që jepi fund dilemave dhe të fshehtave që lidhen me punën, rritjen personale, shtëpinë dhe dashurinë. Nëse nuk ke gjëra pezull apo sekret, do të marrësh vesh një lajm bombë për dikë që njeh.
Gjatë kësaj Hëne të plotë, është mirë të pushosh dhe të rimarrësh energji, pasi ritmi yt do të jetë paksa më i ngadaltë. Mos u përfshi në shumë angazhime shoqërore dhe shkëputu paksa nga rrjetet sociale.
Një lajm që lidhet me paratë do të të lumturojë në fillim të javës së dytë të marsit. Për personat e Peshores që punojnë në sektorin e arsimit, marrëdhënieve ndërkombëtare, çështjeve ligjore, media, apo import-eksport, priten ditë me fat dhe shanse fantastike. Nëse po mendon të ndryshosh punën, bëje para 25 marsit, përgatit një CV të bukur dhe të kuruar dhe dërgoje! Bëj kujdes, pasi estetika ka shumë rëndësi!
Një tjetër planet që të ka qejf gjatë kësaj periudhe është Saturni, i cili do të ndikojë në ngarkesën e punës që do të kesh. Nëse ndryshon punë, mos hezito të pyesësh për paqartësitë, pasi kokëfortësia jote mund të të çojë në lodhje. Kjo, do të ndikojë edhe në shëndetin tënd, pasi do të përballesh me situata stresuese dhe mbingarkesë. Të sugjerojmë të mos lësh pas dore palestrën apo çdo sport tjetër të cilin mund ta kesh qejf.
Në të gjithë horoskopin, ti je shenja që ka më shumë gjasa të bëjë një hap madhor në dashuri, duke planifikuar ditën e dasmës. Nëse e ke bërë si hap, do të kesh një periudhë të mbushur me dashuri, pasion dhe lumturi. Martesa për ty është një bekim, i cili të përmbush në shumë aspekte.
Gjithashtu, edhe partneritetet e tjera, në punë apo shoqëri, do të jenë mjaft frytdhënëse. Në fillim të marsit, është mirë që të rilidhesh me një person të njohur, i cili do të të ndihmojë të krijosh kontaktet e duhura.
Mos harro edhe shëndetin! Bëj gjëra që të forcojnë sistemin imunitar, ha shëndetshëm dhe jepi prioritetin e duhur mendjes dhe pushimit.
Marsi sjell një frymë pritjeje dhe entuziazmi në jetën tënde, të cilat do të të përgatisin për mundësitë që do të vijnë më pas. Disa planete do të bashkëveprojnë që jeta jote të marrë një drejtim të ri. Më 2 mars mund të marrësh një projekt të ri artistik, i cili do të të zgjojë kuriozitetin dhe do të të argëtojë shumë.
2 marsi është gjithashtu dita perfekte për të shitur diçka që e ke pasur në plan, apo për të bërë një intervistë pune që do të ketë sukses. Kjo periudhë është e shkëlqyer dhe me Hënën e plotë më 7 mars, do të marrësh edhe më shumë kënaqësi, e gjitha, falë Uranit dhe të papriturat e këndshme që ky planet të sjell.
Një mik, partner, apo koleg do të të surprizojë, duke ta bërë këtë muaj më të bukur, por edhe pak stres në lidhje me financat do të kesh. Që nga gushti i vitit të kaluar, sikur s’po e merr dot veten, sepse ke pasur një ortek shpenzimesh. Kjo ka vazhduar për një kohë të gjatë, por na lejo të të themi se me marsin përfundon e gjitha.
E dimë ç’po mendon: Kur do flasim për dashurinë? Tani pra!
Do të kesh plot kohë për romancë, pasi Mërkuri dhe Neptuni e mbushin plot shtëpinë tënde të dashurisë. Akrepët beqarë do të kenë shumë mundësi të mira për të krjiuar me një person shumë interesant dhe magjepsës. Kultivoje këtë marrëdhënie dhe bëje të lulëzojë. Ka gjasa që të tërhiqesh nga dikush më i madh në moshë dhe kjo vlen edhe për gratë, edhe për burrat.
Nëse je një Akrep i lidhur, këtë periudhë do të mendosh për ta çuar lidhjen në një tjetër nivel. Pra, do të kesh me ç’të merresh. Gjithsesi, diçka ta themi me siguri: Këtë muaj do t’i dorëzohesh dashurisë në të gjitha format e saj të mrekullueshme.
Nëse ende je i uritur për lajmet e mira, pas 25 marsit mund të planifikosh një udhëtim të shumëpritur dhe të merituar. Marsi në Gaforre të ndihmon të ushqesh shpirtin tënd të aventurës dhe të kesh mundësi ekonomike t’i plotësosh ca qejfe vetes. Ne të sugjerojmë ta presësh biletën e avionit, sepse më pas, do të jesh super i zënë me punë.
Mos na thuaj që s’të paralajmëruam!
Copyright Anabel.al / Ndalohet ribotimi pa lejen e redaksisë.
