Një përdorues i TikTok ka shpërndarë një truk me shishe uji, i cili sipas tij, ekspozon partnerin tuaj për të zbuluar nëse ai ju tradhton.
Disa po e komentojnë si “gjeniale” dhe të tjerë si “të pavlerë”.
Pra, si mund ta zbulojë një shishe uji nëse partneri/ja po ju tradhton?
Sipas Daniel Hentschel (content creator), gjithçka që duhet të bëni është të merrni një shishe uji (termus) të përdorur ose që nuk e keni pasur më parë në shtëpi/makinë dhe ta vendosni në sediljen e pasagjerit të makinës së tij.
Më pas, duhet t’ia jepni atij/asaj shishen dhe t’i thoni thjesht:
“Ja ku e ke shishen e ujit” ose “Merre shishen e ujit”.
Nëse partneri s’ka asgjë për të fshehur, ai s’do e ketë problem të thotë “nuk është e imja”.
Në të kundërt, ai do vazhdojë të veprojë sikur shishja të ishte e tij.
Pse njerëzve s’po ua mbush mendjen ideja?
Një grua komentoi në videon virale duke thënë:
“Burri im nuk i kushton fare vëmendje këtyre gjërave dhe nëse do t’i thoja ‘urdhëro shishen tënde’, ai vërtet do mendonte se shishja do të ishte e tij.”
Edhe të tjerë paralajmëruan ndjekësit “të mos e marrin seriozisht çdo gjë që shohin në internet”.
Burimi: The Tab
