Selena Gomez po përgatitet për të sjellë një epokë të re në muzikën e saj dhe e gjitha do të lidhet me lirinë personale! Këngët e saj të ardhshme, do të kenë si elemente të përbashkëta forcën e saj dhe në të njëjtën kohë, do të përcjellin mesazhe lirie.
Në një intervistë për “Vanity Fair”, këngëtarja ka nënvizuar se ka dëshirë të prodhojë muzikë që u dhuron buzëqeshje njerëzve.
“Nëse do ta bëja sipas mënyrës sime, me siguri do të shkruaja balada përgjatë gjithë jetës, por dua të prodhoj muzikë që i bën njerëzit të buzëqeshin. Muzika që po bëj tani flet për gjërat e vërteta, të cilat po i përjetoj”, u shpreh ajo.
Më pas, Sel vijoi: “Është vërtet e fuqishme, shumë pop. Tematika, në përgjithësi, është liria – liria nga lidhjet, nga errësira”.
Albumi i fundit nga Selena Gomez është “Rare”, i publikuar më 2020-ën dhe më pas, ajo u përkushtua në të tjera projekte, kryesisht kinematografike, si dokumentari rreth karrierës dhe jetës së saj personale, i titulluar “Selena Gomez: My Mind & Me”, si dhe roli në serialin dramë-komedi, “Only Murders in The Building”.
Artikuj të sugjeruar:
- Selena Gomez u përgjigjet njerëzve që e pyesin ‘Pse të dridhen duart?’
- Selena theksoi se është beqare, por mos ndoshta këto foto dëshmojnë të kundërtën?
- Pas thashethemeve se është e lidhur, reagon Selena Gomez
- Selena Gomez u përgjigjet atyre që i komentuan trupin
- Pra, Selena Gomez paskërka nisur një romancë të re
- 'Ish-mbretëresha e Instagramit', rikthehet përsëri në platformë!
