Një komedi e zezë, e mbushur me satirë debutoi vitin e kaluar në Festivalin e Filmit në Kanë, fitoi “Palme d’Or” dhe mori pa fund vlerësime dhe plot duartrokitje; për të qenë më të saktë, të ftuarit e duartrokitën për 8 minuta. Trailer-in mund ta shohësh këtu.
Rishtazi, është nominuar për 3 çmime Oscar dhe është goxha pretendent në kategoritë në të cilat është nominuar.
View this post on Instagram
Për çfarë flet?
Subjekti i filmit, fund e krye është një satirë mbi pasurinë, klasat dhe privilegjet. Për sa i përket titullit, nuk ka të bëjë me një lëndim romantik, por për një ndërhyrje kirurgjikale, që përdoret për të etiketuar rrudhat që krijohen mes vetullave dhe shpesh korrigjohen me botox.
Koncepti “eat the rich” është pëlqyer shumë nga publiku dhe mesa duhet, shikuesit janë shumë të uritur për të tilla tematika. Në këtë film, të pasurit jo thjesht “hahen”, por “gllabërohen” dhe “përtypen” ethshëm.
Në film do të shohësh situata komike dhe tragjike që tregojnë sa të shkëputur nga realiteti dhe njëkohësisht, sa të plotfuqishëm janë të pasurit. Personazhet kryesore janë Carl (Harris Dickinson) dhe Yaya (Charbli Dean), figura të botës së modës, të cilët ndërmarrin një aventurë.
Fillimisht, aventura duket si përrallë dhe shumë e bukur për t’u postuar në Instagram, por tragjikisht, pasagjerët përballen me një stuhi, e cila godet anijen e tyre. Ata përfundojnë në një ishull të izoluar plot me miliarderë dhe një sanitare.
Ata përpiqen të mbijetojnë dhe sanitarja, e cila përpiqet t’i ndihmojë, është i vetmi person me aftësi praktike mbijetese. Hierarkia pëson lëkundje të ndjeshme dhe kthehet përmbys. Përmes komedisë dhe humorit të zi, mësojmë për mungesën e ekuilibrit në botën e sotme, ku të pasurit jetojnë në flluskën e tyre, ndërsa të tjerët, janë të varur nga ky realitet.
“Triangle of Sadness” ka marrë shumë vlerësime dhe trofe në Europë. Ai ka rrëmbyer çmimin si filmi më i mirë europian në 35-vjetorin e Filmit Europian, vitin e kaluar. Ruben Östlundn, nga ana tjetër, mori po ashtu çmimin për skenarin dhe regjisorin më të mirë. Gjithashtu, Zlatko Buric, i cili luan rolin e një manjati rus të mbeturinave, fitoi çmimin si aktori më i mirë.
Filmi është nominuar edhe për 3 çmime Oscar: “Filmi më i mirë”, “Skenari më i mirë origjinal”, “Regjisori më i mirë”.
Kasti:
Kasti i “Triangle of Sadness” ka aktorë të mirënjohur dhe yje të rinj: Woody Harrelson, Harris Dickinson, Charbli Dean Kriek, Vicki Berlin dhe Zlatko Buric.
Artikuj të sugjeruar:
