Dy vjet pasi Disney Plus anuloi serialin e shumëpritur të viteve 2000, "Lizzie McGuire", Hilary Duff thotë se do të nënshkruante me kënaqësi një kontratë për të luajtur Lizzie-n përsëri, për sa kohë që seriali i përshtatet vizionit të saj për një version më të pjekur të personazhit.
Pikërisht, për këtë arsye, seriali i parë nuk arriti të realizohej, sepse mesa duket ideja që aktorja kishte në kokë për Lizzie-n më të rritur, nuk përputhej me atë të skenarit.
Sidoqoftë, ka ende pak mundësi që McGuire të rikthehet në ekrane. Deri atëherë, le të ëndërrojmë pak me "This is What dreams are made of".
Lizzie McGuire pati dy sezone dhe 65 episode. Episodi i parë u publikua më 12 janar të vitit 2001, për të fituar zemrat e gjithë vajzave adoleshente më pas!
Seriali trajton çështjet e adoleshencës, dashuritë e para, miqtë e vërtetë dhe jetën me një vëlla të vogël pak të bezdisshëm dhe prindër të dashur, në mënyrën më të këndshme.
Burimi: Glamour
