Një burrë u arrestua pasi rrëmbeu dhe u përpoq të vriste një person me qëllim “përmbushjen e një fantazie vrasjeje”, e cila do të ishte shëmbëlltyra e krimeve të kryera nga vrasësi famëkeq, Jeffrey Dahmer.
Burri, i quajtur Chance Seneca, 21 vjeç, nga Louisiana, u arrestua dhe u dënua me 45 vite burg, pasi u shpall fajtor për rrëmbim dhe tentativë vrasjeje ndaj një burri homoseksual, të cilin e njohu në aplikacionin Grindr.
Sipas ekspertëve, Seneca përpiloi një skemë për periudhën 1-mujore, me qëllim gjetjen e personave që i përkasin komunitetit LGBTQ+. Seneca e nisi planin duke hapur një llogari në Grindr dhe përmes aplikacionit, njohu Holden White. Dysha ra dakord të takohej në një shtëpi, kur Seneca e prangosi dhe provoi disa metoda për ta vrarë burrin në fjalë. Metodat u frymëzuan nga Jeffrey Dahmer.
Seneca mendoi se e vrau viktimën dhe u përpoq t’i copëtonte trupin, por shumë shpejt u arrestua. Ai dha një intervistë drithëruese dhe pranoi se kishte në plan të vijonte të mundohej të vriste homoseksualë, derisa ta kapnin ose ta vrisnin.
Sipas autoriteteve, 21-vjeçari shënjestronte homoseksualë, njësoj si Dahmer. Gjithashtu, ai u përpoq të hante trupin e Holden, sërish si Dahmer.
Për fat të mirë, White i mbijetoi sulmit dhe u zgjua në spital, pasi kaloi disa ditë në koma. Ai tha se ende ka shenja nga përpjekja e Seneca-s për t’i prerë trupin.
Jeffrey Dahmer mbetet një prej vrasësve më mizorë në historinë e krimit. Me një gjakftohtësi të tmerrshme, ai rrëfeu vrasjen e 17 djemve, që nga viti 1978 e deri më 1991. Jeffrey i joshte viktimat në shtëpinë e tij, i vriste dhe disa prej tyre, edhe i ka ngrënë.
Më 31 korrik të vitit 1991, Dahmer u arrestua, pasi policia i kontrolloi shtëpinë. Në të u gjetën: dyshek me gjak, një seri fotosh të trupave të vdekur, të copëtuar, kafka, koka njerëzish, organe dhe kocka të mbetura të viktimave. Dahmer, përpos kanibalizmit, kreu edhe akte nekrofilie* mbi viktimat.
Nekrofili - tërheqje dhe kryerja e akteve seksuale ndaj një trupi të vdekur.
Artikuj të sugjeruar:
- Nëse të pëlqeu seriali mbi Jeffrey Dahmer, mos i humb këto sugjerime
- S’e merrni dot me mend shifrën me të cilën do të shiten syzet e vrasësit Jeffrey Dahmer
- Pse jemi kaq të ‘magjepsur’ pas vrasësve serialë?
- Jeffrey Dahmer: Intervista dhe video reale të një prej vrasësve më famëkeq në histori
- Vrasësi serial dhe kanibali Jeffrey Dahmer: Katy Perry dhe Kesha po kritikohen prej tij, por pse?
- Nëse do një serial që të të mbetet gjatë në mendje, shih “Monster: The Jeffrey Dahmer Story”
