Bota

Lajme në pak minuta: Çfarë po ndodh në botë

Shkruar nga Anabel

24 Janar 2023

Lajme në pak minuta: Çfarë po ndodh në botë

Jans Stoltenberg i bën thirrje Ankarasë të mos bllokojë anëtarësimin e Suedisë në NATO

Lajme në pak minuta: Çfarë po ndodh në botë

Sekretari i Përgjithshëm i NATO-s kritikoi të hënën qëndrimin e presidentit turk, i cili kërcënon të bllokojë anëtarësimin e Suedisë në NATO pasi një ekstremist i krahut të djathtë dogji një kopje të Kuranit të shtunën në Stokholm.

Në një intervistë në televizionin gjerman Die Welt, norvegjezi Jens Stoltenberg dënoi qëndrimin e Recep Tayyip Erdogan ndaj Suedisë.

“Liria e shprehjes, liria e mendimit është një gjë e çmuar, në Suedi dhe në të gjitha vendet e tjera të NATO-s. Dhe kjo është arsyeja pse këto veprime të papërshtatshme nuk janë automatikisht të paligjshme,” tha ai. “Qeveria suedeze e ka dënuar (këtë demonstratë) në terma shumë të qartë,” kujtoi z. Stoltenberg në intervistën e tij për die Ëelt.

'Tragjedi mbi tragjedi': Të tjera goditje me armë në Kaliforni

Lajme në pak minuta: Çfarë po ndodh në botë

Të paktën shtatë persona u vranë në një tjetër sulm me armë në qytetin Half Moon Bay në Kaliforni, disa ditë pasi një person hapi zjarr në një sallë vallëzimi. I dyshuari në sulmin e fundit u arrestua. Ende nuk dihet motivi, por i dyshuari thuhet se është duke bashkëpunuar me hetuesit.

Francë: Seksizmi është “alarmant” dhe po përkeqësohet

Lajme në pak minuta: Çfarë po ndodh në botë

Seksizmi mbetet në nivele "alarmante" në Francë në të gjitha fushat, sipas një raporti zyrtar që zbuloi se situata po përkeqësohet, veçanërisht për gratë më të reja. Gratë janë në shënjestër të formave të reja të ngacmimit, duke përfshirë dhunën në internet, abuzimin verbal në rrjetet sociale dhe pornografinë me përmbajtje "barbare", thuhet në deklaratë.

Në raport thuhet se situatat e "diskriminimit, dhunës dhe ngacmimit" kanë marrë "përmasa alarmante".

OBSH bën thirrje për veprim: Shurupi i kollës ka lidhje me më shumë se 300 vdekje të fëmijëve

Lajme në pak minuta: Çfarë po ndodh në botë

Organizata Botërore e Shëndetësisë ka bërë thirrje për "veprim të menjëhershëm dhe të bashkërenduar" për të mbrojtur fëmijët nga ilaçet e kontaminuara pasi është raportuar se vdekjet e qindra fëmijëve vitin e kaluar kanë lidhje me shurupet e kollës.

Në vitin 2022, më shumë se 300 fëmijë - kryesisht të moshës nën 5 vjeç - në Gambi, Indonezi dhe Uzbekistan vdiqën nga dëmtimi akut i veshkave, vdekje këto që ishin shkaktuar nga ilaçe të kontaminuara, tha OBSH në një deklaratë të hënën. Ilaçet, shurupet e kollës pa recetë, kishin nivele të larta të dietilen glikolit dhe etilen glikolit.

Skandali për korrupsionin: Ukraina premton reforma gjithëpërfshirëse

Lajme në pak minuta: Çfarë po ndodh në botë

Presidenti ukrainas Volodymyr Zelenskiy tha se kanë nisur ndryshimet e personelit, pas akuzave për korrupsion. Gjatë fundjavës, policia kundër korrupsionit arrestoi zëvendësministrin e infrastrukturës me dyshimin se kishte marrë një ryshfet prej 367,000 eurosh për importin e gjeneratorëve shtatorin e kaluar, një akuzë që ministri e mohon.

Një tjetër hetim akuzoi Ministrinë e Mbrojtjes për nënshkrimin e kontratave të shtrenjta për furnizimin me ushqim për trupat në vijën e frontit.

MOS I HUMBISNI