Sulm në një sinagogë në Jerusalem: Raportohen të paktën 8 viktima
Një sulm i ndodhur në një sinagogë në Jerusalemin Lindor ka lënë të vdekur 8 persona, duke plagosur disa të tjerë. Sulmi ndodhi rreth orës 20:15 me orën locale, duke krijuar ankth dhe panik në zonën përreth.
Sipas departamentit të policisë izraelite, dyshohej për një sulmues, i cili ishte neutralizuar.
Vijojnë sanksionet e BE-së kundrejt Rusisë
Më 27 janar, Këshilli i Bashkimit Europian vendosi që sanksionet ndaj Rusisë të vijojnë edhe për gjashtë muaj të tjerë, duke prekur sektorë të ndryshëm të ekonomisë ruse.
Sanksionet datojnë që në vitin 2014, pas aneksimit që Rusia i bëri Krimesë, por pas pushtimit të Ukrainës në shkurt të 2022-shit, u forcuan edhe më shumë.
Këto sanksione do të cekin: kufizime në tregti, në financa, në teknologji, transport dhe import nga deti i naftës bruto, anulimin e transaksioneve SËIFT për disa banka ruse, si dhe pezullimin e transmetimeve të përmbajtjeve të caktuara nga Rusia.
Forcat Speciale Amerikane eliminojnë liderin e ISIS-it në veri të Somalisë
Forcat Speciale Amerikane ia kanë dalë të eliminojnë një lider të Shtetit Islamik dhe 10 nga luftëtarët e tij në veri të Somalisë.
Lideri, i quajtur Bilal al Sudani u vra në një mision, ku forcat speciale bastisën një kompleks shpellor në një rajon të vështirë malor, me qëllim arrestimin e al Sudani.
Sipas analistëve, ky lider ishte mjaft i rëndësishëm dhe këtë e tregon fakti që presidenti amerikan, Joe Biden dërgoi trupa në Somali dhe nuk përdori dronë për të eliminuar al Sudani. Biden rivendosi sërish trupat amerikane në Somali, disa kohë pasi Donald Trump i tërhoqi ato.
Japonia dërgon satelitin për të monitoruar Korenë e Veriut
Japonia lëshoi me sukses një raketë hapësinore që mbante një satelit, i cili ka si “detyrë” të mbledhë informacion mbi lëvizjet ushtarake të Koresë së Veriut, si dhe të përmirësojë reagimin ndaj fatkeqësive natyrore.
Raketa, e pagëzuar me emrin “H-2A”, u krijua nga kompania “Mitsubishi Heavy Industries” dhe u lëshua me sukses nga Kozmodromi Tanegashima në jugperëndim të Japonisë.
Sateliti mund të mbledhë imazhe nga toka 24 orë në ditë, edhe në kushte të vështira të motit, duke paralajmëruar një sulm të mundshëm nga Korea e Veriot, por edhe një fatkeqësi natyrore.
