Greqia zgjeron gardhin kufitar me Turqinë
Greqia, pothuajse do të dyfishojë gjatësinë e gardhit prej çeliku prej 5 metrash të lartë, përgjatë kufirit të saj lumor me Turqinë.
Lajmin e bëri të ditur ministri i Mbrojtjes Civile në Greqi, Takis Theodorikakos. Ai tha se gardhi, 37,5 kilometra i gjatë, do të zgjerohet edhe me 35 kilometra të tjerët gjatë lumit, i cili për grekët njihet si “Evros” dhe për turqit si “Meriç”.
Kjo masë vjen si pasojë e dyndjeve të njerëzve që kalojnë në mënyrë të paligjshme nga Turqia në Greqi.
Kryeminstri i Tajvanit dhe kabineti i tij, japin dorëheqjen
Kryeministri i Tajvanit Su Tseng-chang dhe kabineti i tij dhanë dorëheqjen, por do të vijojnë detyrën derisa të zëvendësohen. Për momentin, nuk ka asnjë emër që mund ta zëvendësojë kryeminstrin.
Masa e Su vjen pas humbjes së Partisë Demokratike Progresive (DPP) në pushtet në zgjedhjet lokale në nëntor.
Zelensky shprehet se Ukraina do ta rimarrë Krimenë
“Është toka jonë” tha Zelensky, duke iu drejtuar popullit të tij dhe duke thënë se Ukraina do ta rimarrë sërish Krimenë.
Ai theksoi se nuk ka bisedime për paqe, pasi edhe kur bënë diplomaci, e humbën tokën e tyre.
Turqia në zgjedhje: Erdogan premton fitore madhështore
Presidenti turk Recep Tayyip Erdogan njoftoi se Turqia do të mbajë zgjedhjet presidenciale dhe ato parlamentare më 14 maj, që pritet të jenë më të rëndësishmet në një shekull histori të republikës turke.
Sondazhet tregojnë se si parlamentaret edhe presidencialet do të jenë të forta dhe do të përbëjnë testin e madh për Erdogan në dy dekada pushtet në vendin që konsiderohet një fuqi rajonale dhe që është një anëtar i rëndësishëm i NATO-s.
Ndërkohë, Erdogan premton fitore absolute karshi forcave të tjera politike.
