Luiz Ejlli është kryefjala e 2 ditëve të fundit, që pas ngjarjes së ndodhur në “Prime” të martën. Ndonëse ai ka mbështetjen e publikt, sërish në shtëpi, po haset me disa situata të vështira, si mosbesim, skepticizëm dhe debate.
I fundit, është debati i ndezur me Oltën. Luizi tha se Olta ka frikë nga ai dhe se do ta përdorë historinë e ndodhur deri të shtunën, për të përfituar prej saj.
“Ajo më ka frikë. Është e ndërgjegjshme dhe e di çfarë e pret”, tha Luizi.
“Frikë, unë, nga ti?”, e pyeti Olta dhe më pas e quajti ajo “frikacak”. Ajo vijoi duke e mbrojtur mendimin e saj dhe tha se nëse do të kishte frikë nuk do të shprehej fare për Luizin.
Ky i fundit, e kërcënoi se: “Të dielën, kur të hapë sytë në mëngjes, ka për t’u penduar për ditën që ke shkelur në këtë shtëpi, ti bashkë me dramat e tua”, tha Luizi, duke theksuar se deri të shtunën nuk ka asnjë forcë, më pas do të ndryshojnë gjërat.
View this post on Instagram
Kjo është ndoshta hera e parë që Luizi e kërcënon hapur dhe seriozisht konkurrenten tjetër, pas gjithë debateve që kanë ndodhur mes tyre. Shumë shpesh, ata kanë pasur përplasje të ndryshme dhe sot në mëngjes, sërish Luizi i përmendi ditën e diel, duke thënë: “E kupton çfarë ke për të kaluar nga e diela e pas?”, ndërsa Olta i tha se nuk merret fare me të.
Edhe të martën, Olta ka qenë ndër të parat që ka dalë kundër Luizit duke e akuzuar si mashtrues, edhe pa kryer konkurrenti analizat.
Nuk e dimë se si do të jetë situata dhe ç’ka planifikuar Luizi, ndërkohë pjesa më e madhe e komentuesve vijojnë ta mbështesin këngëtarin dhe lojën e tij.
Artikuj të sugjeruar:
- Instagrami i Luizit: Ja sa ndjekës iu shtuan në më pak se 48 orë
- Ish-banori i BBVA dhe shoku i Luizit flet për të: ‘Mbart diçka shumë të madhe brenda vetes’
- Prindërit e Kiarës flasin për situatën e Luizit
- Edhe personazhet e njohur përfshihen në debatin ‘A gënjeu Luizi’: Ja ç’mendojnë ata
- Vazhdon drama në BBVA! Luizi flet me banorët: ‘Mjekja foli aq sa i lejohet të flasë’
- 'Sëmundja e pashërueshme e Luizit': Historia pas rrëfimit të dyshimtë
- I është rikthyer sërish? Edhe para 5 viteve, Luiz Ejlli ka folur për sëmundjen e rrallë
