Coachella, një nga festivalet më të famshëm në botë, do të ketë si artistë kryesorë Bad Bunny, Blackpink dhe Frank Ocean.
Bad Bunny, këngëtari dhe reperi portorikan, do të jetë artisti i parë latin dhe interpretuesi i parë në gjuhën spanjolle që do të kryesojë festivalin më të madh të muzikës në Amerikën e Veriut, ndërsa Blackpink, supergrupi K-pop, do të jenë të parat nga Koreja e Jugut dhe grupi i parë me të gjitha femra si performuese kryesore.
Frank Ocean do të performonte në vitin 2020, por festivali u shty për shkak të pandemisë.
Artistë të tjerë që do të performojnë këtë vit janë: Gorillaz, Rosalía, Björk, Kali Uchis dhe DJ Calvin Harris.
Coachella do të zhvillohet në fundjavat 14-16 prill dhe 21-23 prill në Empire Polo Ground në Indio, Kaliforni.
