Gigi dhe Leo patën disa takime romantike në vjeshtën e vitit 2022, u diskutuan pa fund, më pas, krejt papritur Leo u pa duke dalë me modelen 23-vjeçare, Victoria Lamas, nëpër club-e, darka e jahte.
Por, sipas një burimi për “Entertainment Tonight”, Leo dhe Gigi s’i kanë dhënë fund raportit të tyre, thjesht po e marrin ca me terezi, sepse fundja, nuk janë një çift ekskluziv.
“Leo dhe Gigi kanë shijuar kohën e tyre së bashku kur janë në gjendje të takohen, por kur janë të zënë me angazhime të ndryshme, ata thjesht bëjnë gjërat e tyre”, tha burimi. “Ata kanë respekt për njëri-tjetrin dhe janë duke parë se ku do të shkojnë gjërat”.
Burimi shtoi edhe se Gigi ndihet e balancuar, e lumtur dhe po e përqendron vëmendjen dhe energjinë e saj te karriera dhe vajza. “Prioritetet e saj kryesore janë vajza dhe ruajtja e qetësisë dhe pozitivitetit”.
Nga ana tjetër, DiCaprio vijon të argëtohet dhe po i jep rëndësi punës, karrierës, si dhe kohës argëtuese me miqtë e tij.
Nga mesi i dhjetorit, aktori 48-vjeçar u fotografua duke dalë nga “The Birds Streets Club” në Los Angeles me një grup miqsh dhe në shoqërinë e modeles Victoria Lamas, me të cilën u takua më pas në makinë. Asokohe u tha se nuk kishte asgjë mes tyre, ishin vetëm miq, por babai i Victoria-s, aktori Lorenzo Lamas, tërthorazi e konfirmoi se dyshja po dilnin bashkë.
Lorenzo tha se e bija ishte shumë e lumtur dhe se këshilla e tij ishte që ta trajtonte raportin me DiCaprio si një festë, thjesht ta shijonte për aq kohë sa zgjat.
“Trajtoje lidhjen si një festë, thjesht shijoje aq sa mundesh, për aq sa zgjat. E nëse zgjat më tepër se një festë tipike, shkëlqyeshëm, nëse jo, ruaje zemrën tënde”. Megjithatë, Lorenzo e saktësoi se nuk janë në një lidhje serioze.
Në këtë pikë, askush nuk është në një lidhje serioze.
Artikuj të sugjeruar:
