Drama mes Beckham-ëve: Nicola dhe Brooklyn janë munduar të flasin me Cruz, por më kot :(

Getty Images

Brooklyn Beckham dhe Nicola Peltz, thuhet se kanë tentuar të shuajnë konfliktin familjar përpara se Cruz Beckham të bëhej viral për mesazhet e ashpra në rrjetet sociale.
 
Sipas TMZ, ekipi i çiftit ka kontaktuar së fundmi me Victoria, David, Romeo dhe Cruz Beckham, duke u kërkuar atyre që të ndalojnë së përhapuri një narrativë negative për ta. Në rast se nuk do të ndalojnë, të mos i komunikojnë më fare!
 
Brooklyn, 26 vjeç dhe Nicola, 30 vjeç, ndihen se e gjithë drama është kundër tyre dhe e ka larguar vëmendjen e publikut nga arritjet dhe lajmet pozitive të familjes, si dhe kanë kërkuar që t’i jepet fund dhe të ketë sërish harmoni.

 
Megjithatë, Cruz vazhdoi të sulmonte vëllain dhe kunatën e tij përmes Instagramit. 20-vjeçari u përfol të hënën pasi kishte postuar për muaj të tërë në Instagram Notes, duke u shprehur: “Je gënjeshtar”; “Tani je k*r”; “Karma do të të zërë”, si dhe “Ah, sindroma e Stokholmit”.

Një tjetër note shkruante: “Je i vdekur për mua.”

Spekulimet për përçarje në familjen Beckham kanë qarkulluar që nga prilli, ndërsa Page Six raportoi dy muaj më vonë se Brooklyn kishte ndërprerë kontaktet me prindërit.

“Ai nuk u përgjigjet më atyre, ndonëse ata përpiqen ta kontaktojnë,” tha një burim në qershor, ndonëse përfaqësuesit e tij e mohuan këtë.

Përdorues të vëmendshëm të rrjeteve sociale vunë re se Victoria, 51 vjeçe, dhe David, 50 vjeç, kanë hedhur ‘thumba’ ndaj Nicola-s gjatë gjithë muajit, përmes aktivitetit në Instagram.

Çifti ka pëlqyer pothuajse të gjitha postimet e fundit të Brooklyn-it, por asnjëherë ato ku shfaqet gruaja e tij.
 
Sa i përket çiftit të ri, Brooklyn dhe Nicola janë të martuar që nga prilli i vitit 2022.
 
TMZ raportoi në maj se Victoria dhe David janë të "tronditur" nga sjellja e të birit dhe nuk duan që e shoqja e tij të jetë pranë tyre, për të “diskutuar dramën e vazhdueshme” me Brooklyn-in.
 
Nga ana tjetër, thuhet se Nicola “ua kthen gjithmonë fjalën” dhe “mbron me ngulm” bashkëshortin e saj.