Edhe nëse nuk jeni kuriozë, nuk mund t’i shpëtoni këtij informacioni, ndaj më mirë ta merrni vesh nga ne. Harry e ndau historinë dhe përvojën në librin e kujtimeve “Spare” dhe ne po e ndajmë me ju.
Harry vërtet mendoi ta ndante me të gjithë botën këtë përvojë, por siç i ka hije një princi, e bëri me delikatesë dhe në mënyrë shumë poetike. Ai theksoi se virgjërinë e ka humbur me një grua më të madhe në moshë se ai dhe krejt pa ndroje e quajti performancën e tij “një episod pa lavdi”.
“Ajo pëlqente shumë kuajt dhe më trajtonte mua si një hamshor i ri”, shkroi princi, duke thënë edhe se “xhiroja” ishte e shkurtër dhe se gruaja anonime i dhuroi shumë kënaqësi.
Ku ndodhi? Në një fushë me bar, pas një pub-i plot me njerëz.
Kush ishte? Siç e thamë edhe më sipër, gruaja mbetet anonime, sepse një princ bën, ç’bën, ama e ruan sekretin.
Gjithsesi, ky nuk është i vetmi informacion i sikletshëm që Harry ndau me publikun, pasi kujtoi edhe një moment kur penisi i tij ishte prekur nga i ftohti i acartë, pas një udhëtimi me William dhe Kate Middleton në Polin e Veriut.
Edhe këtë herë, princi u shpreh në mënyrë poetike: “Ndërsa veshët dhe faqet po më shëroheshin, “vogëlushi” nuk po shërohej. Dita-ditës, kjo po bëhej edhe më problematike”.
Por, besojmë se tani “vogëlushi” e ka marrë veten.
Ikëm, po ju lëmë të përpunoni informacionet. Puç.
Artikuj të sugjeruar:
