Në një bisedë me Amosin në Big Brother VIP, Kiara ka folur për një lidhje të shkuar dashurie.
Ajo tha se "ishin të vegjël, moshatarë, 20 vjeç" dhe se "ai ishte njeriu i duhur, në kohën e gabuar".
Fjalinë e fundit mund ta keni dëgjuar shpesh edhe në njerëz të tjerë, në filma apo seriale. Por, a ekziston vërtetë diçka si personi i duhur - koha e gabuar?
Mund të mendojmë shumë skenarë dashurish që duken të pamundura, të ndaluara.
Mund të njiheni me dikë që duket se është shpirti juaj binjak, por rrethanat nuk duken aspak në favorin tuaj dhe për shkak të këtyre rrethanave, një marrëdhënie thjesht nuk është e realizueshme.
Sidoqoftë, mbani në mend se ajo që konsiderohet si koha "e gabuar" duket e ndryshme për të gjithë. Pavarësisht nga fakti që disa njerëz mund të thonë se dashuria i sfidon të gjitha, shpërnguljen, ndryshimet e punës, drama familjare, stresin personal dhe probleme të tjera të panumërta - kjo ndonjëherë thjesht nuk ndodh dhe lidhja ngec aty.
Ekspertët e marrëdhënieve pranojnë se përveç kimisë dhe tërheqjes, koha është një pjesë super integrale e një marrëdhënieje serioze.
Thënë këto, ndoshta, po, koha luan një rol shumë të rëndësishëm në vazhdimësinë e një marrëdhënieje. Megjithatë, ne jemi të bindur se nëse personi do të ishte vërtet *i duhuri* - edhe koha do të ishte e duhur!
Ju nuk jeni aq pafat sa të gjeni personin tuaj të zemrës dhe ta humbisni atë vetëm për shkak të kohës. Dikush është atje për ju dhe ai person do të vijë fiks në kohën e duhur :)
