Të gjithë u tronditën kur morën vesh përmes një zarfi se moderatorja Zhaklina Gjolla vendosi të lërë shtëpinë e “BBVA”, pas një gjendjeje të rënduar psikologjike, pasi edhe ishte përzgjedhur si e preferuara e publikut.
Sot, Zhaklina, e ftuar në studion e “Big Brother VIP Albania” foli për arsyet e largimit nga shtëpia e famshme.
View this post on Instagram
Së pari, ajo rrëfeu se është shumë mirë falë mbështetjes së familjarëve dhe publikut: "Unë jam shumë mirë, falë meje, falë jush jam edhe më mirë falë dashurisë që kam marrë nga publiku, prindërit nuk ma dhanë direkt celularin, s'e mendoja që do kisha kaq mbështetje".
Së dyti, u ndal tek arsyet e largimit dhe e para është se nuk gjeti dashurinë dhe vendin e saj.
“Orët ishin shumë të gjata, kisha humbur sensin e kohës. Gjithashtu, në shtëpi m’u krijua një situatë shumë toksike, ndieja shumë negativitet. Unë jam një njeri që funksionoj shumë me energji. Dhe në shtëpi, nuk ndieja energji të mirë, besoj që publiku e ka dëgjuar që unë herë pas here kërkoja pak dashuri. Nuk gjeta dashuri aty, e gjeta jashtë dhe e kuptova që duhet të gjeja vendin tim”, tha Zhaklina.
Më pas, foli për sherrin pasivo-agresiv me Olta Gixharin:
“Unë jam person që i ruaj shumë mirë hapësirat e mia personale. Ajo që ndodhi, sipas meje, Olta bëri një sulm që unë nuk e prisja, ti e kupton që është një lojë dhe Olta këtë mënyrë loje zgjodhi. Unë nuk e kam në tip t’i përgjgjem me një sulm të tillë. Unë me Oltën s’kisha çfarë diskutimi të bëja, sepse nuk e njihja si karakter. Nga ana tjetër banorët e tjerë më dukeshin si të ngrohtë ndaj meje, por prapë. Unë u bllokova aty”- rrëfeu Zhaklina Gjolla.
Ajo preku edhe pjesën e ngacmimeve dhe provokimeve të banorëve të tjerë dhe pamundësinë për të ndjekur rutinën e saj:
“Hera-herës, pasi më bllokoi, Luizi vinte dhe më pyeste “Si je?”. Shumë banorë bënin të interesuarin dhe unë u bllokova. Unë nuk arrita dhe të krijoja rutinën time”, tha Zhaklina, duke e saktësuar që nuk u ambientua në shtëpi, pasi është mësuar që të ketë një rutinë të caktuar dhe nuk e bënte dot brenda shtëpisë së "BBVA".
