Keni dëgjuar për numrat e ëngjëjve? Ato janë sekuenca numrash të përsëritur, të përdorura shpesh si një "udhëzues për eksplorim më të thellë shpirtëror".

Këto sekuenca mund të variojnë nga 000 në 999, dhe secila ka kuptimin dhe energjinë e vet të veçantë.

Dashi - 111

Numri 111 nënkupton besimin brenda vetes, forcën tuaj dhe zgjuarsinë për vendimmarje, kur ju vijnë mundësitë e duhura.

Demi - 222

Numri 222 ka të bëjë me vetëbesimin dhe kreativitetin. Përmes krijimtarisë, ju mund të zbuloni më shumë, më mirë veten.

Binjakët - 33

Në përgjithësi, numri 33 do të thotë se tashmë jeni gati për një sërë ndryshimesh të mrekullueshme që do ju ndodhin si rezultat i punës dhe përkushtimit tuaj të palodhur.

Gaforrja - 44, 69

44 - është një shenjë që keni bërë paqe me të shkuarën dhe jeni gati të bëni përpara.

69 - Në përgjithësi, numri i ëngjëllit, 69, mendohet të jetë një simbol pozitiv në fushën e dashurisë dhe marrëdhënieve. Nëse vazhdoni ta shihni këtë numër, merreni atë si një shenjë inkurajimi dhe mbështetjeje nga engjëjt dhe besoni se po udhëhiqeni drejt një rruge ekuilibri, harmonie dhe bollëku në jetën tuaj të dashurisë.

Luani - 555

Numri 555 është një tregues se jeni në gjendje të mirëprisni ndryshimet në jetën tuaj. Ky numër është gjithashtu një shtytje në drejtim të kërkimit të aventurës, pavarësisht se çfarë do të thotë për ju "aventurë". Është një shenjë se jeni në një periudhë tranzicioni që nuk duhet anashkaluar.

Virgjëresha - 666

666 është një tregues që ju inkurajon të përqendroheni në synimet dhe planet tuaja, por edhe një shenjë për të kaluar më shumë kohë me familjen.

Peshorja - 777

777 është mënyra e engjëllit tuaj mbrojtës për t'ju thënë të qëndroni të fortë dhe të vazhdoni të ecni përpara në udhëtimin tuaj - edhe përmes ndryshimeve dhe pengesave. 

Akrepi - 888

Përmes këtij numri, ëngjëlli juaj mbrojtës ju tregon se gjëra të mira po vijnë drejt jush - në aspektin financiar, romantik apo profesional.

Shigjetari - 999

Numri 999 shpesh tregon se cikli i një faze të jetës suaj po përfundon, për t'i lënë vendin një faze të re, akoma më të bukur dhe sfiduese. 

Bricjapi & Ujori - 1111

1111 mund të interpretohet si një mesazh nga engjëjt tuaj ose universi (ose çfarëdo fuqie më të lartë në të cilën besoni) se jeni në rrugën e duhur. Nëse vazhdoni të shihni 1111 kudo, është një shenjë që të vazhdoni të ecni dhe t'i besoni drejtimit në të cilin po lëvizni pasi gjithçka do të shkojë aty ku duhet.

Peshqit - 1221

Numri 1221 - është një shenjë e qartë se dy "twin flames" po afrohen gjithnjë e më shumë me njëri-tjetrin, ose e kanë gjetur tashmë atë.

Burimi: Bustle