Luiz Ejlli është ndër personazhet më të komentuar këto ditë në “Big Brother VIP Albania”, rishtazi, edhe për ngacmimet ndaj Kiara Titos.
Mendojmë se duhet të dish më shumë rreth kësaj “marrëdhënieje” (deri tani të njëanëshme), ndaj ja ku e ke një përmbledhje:
Luiz Ejlli deri tani, i ka ngacmuar të gjithë konkurrentet, por duket se me Kiarën ka një “gërricje” që ka vijuar pak më gjatë.
Moderatorja ia ka thënë troç që “nuk merret me të”, Luizi i ka thënë që ajo gërhet shumë dhe Kiara u nxeh me hiperbolizimin.
Më pas, këngëtari, në një bisedë me Olta Gixharin u shpreh shumë i mërzitur që “Kiara i vendosi pikat mbi i”, pasi kuptoi batutat e tij, ishin për qëllime të tjera dhe nuk lejoi që Luizi të vijonte me shakatë dhe ngacmimet e tij.
Olta i tha se “Luizi është i mërzitur sepse Kiara i preu shpresat dhe që në këtë bisedë, u soll si kalama”.
View this post on Instagram
Pas pak, Luizi bëri edhe një trëndafil prej letre dhe donte t’ia dhuronte Kiarës, por ajo e parapriu situatën duke ikur. Më pas, Luizi bëri një lojë fjalësh, që të mos dukej sikur nuk ishte munduar për moderatoren.
Në momentin kur Kiara po bënte dush, Ejlli nuk e kurseu një tjetër “shaka”, duke thënë: “Sa zhul paska pasur” dhe pas gjithë këtyre skenave dhe gjesteve, u shpreh i zhgënjyer nga sjellja e moderatores dhe tha “se i ka vënë vizën Kiara”, ndërkohë moderatorja e injoroi.
Nëse mendoni se u ndal pas gjithë këtyre, Luizi do të ndalej, na lejoni t’ju themi se e keni gabim: Ai i dedikoi një këngë dhe pikërisht vargun: “Ne kishim muj’ me ken’ çifti ma i mirë n’qytet” dhe qartazi, moderatorja u duk e bezdisur. Madje, Kiara e ka frymëzuar edhe për të krijuar edhe një poezi.
Drama vijoi dhe Luizi i thotë Amosit dhe Oltës që i ka thënë Kiarës: “Mos luaj me zjarrin dhe mos u prish me Kinën”, ndërkohë Amosi dhe Olta po shijonin situatën. Në një moment Olta shpërtheu në të qeshura dhe qartazi, Amosi po i bënte pyetje provokative, që të shkaktonte të qeshura.
Meqë ra fjala, Amosi bëri një bisedë me Kiarën dhe i tha se duke e parë nga këndvështrimi i burrave, kur ajo qesh me batutat e Luizit, i jep atij sinjalet sikur ajo e ka qejf. “E bëj nga sikleti” tha Kiara dhe saktësoi se nuk qesh në mënyrë flirtuese. Ai shtoi se mes tyre ka një energji të bukur dhe se zënkat e tyre janë si Tommy dhe Jerry dhe se në fund fare, e kanë xhan njëri-tjetrin.
Në një tjetër situatë, Luizi mori guximin dhe e pyeti tërthorazi Kiarën (përmes Teas). “Sipas teje, nga 1-10, sa shanse kam unë me Kiarën?”. “Asnjë shans, përveçse miqësor”, tha Kiara në mënyrë të prerë.
Si përfundim, Kiara i kërkoi Luizit që meqë janë të gjithë pa gjumë nga gërhimat, mund të shkojë te krevati i Oltës dhe ndonëse fillimisht, Ejlli reagoi pak keq, e mori pak me më shumë sportivitet.
Pas disa minutash, pyeti Gentin nëse mendon se Kiarës “i ka hipur vetja në qejf” dhe ndau me çunat bisedën me Kiarën, duke këmbëngulur në të njëjtin muhabet.
Egoja e tij e lënduar doli në përfundimin se “as sytë s’ia hedh më Kiarës”, ama nuk vonoi shumë dhe i përgatiti kafenë e mëngjesit.
Tani, jemi në pikën që Kiara është konfuze se pse Luizi nuk i flet më dhe pyet banorët e tjerë, sepse me thënë të drejtën, as ajo dhe askush s’po e merr vesh sjelljen e Luizit.
Gjithsesi, e dimë që do ketë të tjera tentativa dhe do t’ju përditësojmë.
